من يعرف هذه القصيده ؟؟

السلام عليكم


اولا اسموحه من المشرفين ماعرفت وين احط مكان الموضوع وذلك لكثرة الاقسام


اما بعد الي منو فيكم يعرف قصيده تنقال في الفريسني وهي
امسكو الصفين ياللي تحبونه ............. الى اخر القصيده

ولا هنتوا

تكفون يالربع ردو علي

افا يالربع يوم كامل محد رد علي ؟

ولو مساعده؟

[الطائر المهاجر]

انا من اول يوم بحثت ولكن ما لقيت شئ عنها
فلو حطيت باقي القصيدة يمكن نلقى لها اثر

عندي لها مقطع فيديو على اليوتوب


لكن مو كامله وانا ابيها كامله تكفون ابيها العرس مابقا عليه شي

[الطائر المهاجر]

هذا مالقيت لك اذا يصلح منها شئ
الأوله
نقول اليوم مبروك عرسـن عمـه النـور
دعـانـا داعــي لـــه وشـرفـنـا مـحـلـه
على جمعه يتم الفرح والبال مسـرور
محبة راعـي العـرس وكلـن عانيـن لـه
خذينا بنت مـن بالمراجـل وافـي اشبـور
كريـم ومنـزلـه مــع بـنـي عـمـه نـدلـه
نبي اليا جا ولدها على العدوان له دور
يقـوم بصـف ربعـه ويكـرم عـانـي لــه


الثانيه
قال من بيض الرعابيب صابنه
والخـدود اللـي كـمـا ورد رمـانـي
ابـــو بـنــدر عـــز الله بالـجـنـه
سيد الساداتي تتليه شيخانـي
شيخنا ويعلهن ما يصيحينه
يرفعون الراس لا قلت ظفرانـي

والثالثة
ياعين وين اللي من البيض تغلينـه
اللي عليه القلب ينزع كما الشنه
وان كان منتي كل ليلـة تشوفينـه
وشلي بغى بالعشرة اللي بها منه
لاواهنـي الطـيـر ينـهـض بجنحـانـه
واليـا تنـهـض بالجناحـيـن شالـنـه
الرابح اللـي دالهـن مابكـت عينـه
...........................

وايضا
من يسير على الرقه يودي سلامي
* * وصلولي سلامي للحبيب المزوحي
ليتني ماعرفتك ياغزال العدامي
* * ليه غيرت رايك ليه عني تروحي
مبطين عنك يالمزيون والقلب هاوي
* * كان قلبك على قلبي ضمنت النجوحي

*** البارحه عيني جزت عن نومها ماتنام
*****والناس مرتاحه وانا عيني سرى ليلها
سهران ليلي بس افكر في طويل المقام
*****ليته يشوف الحال من عقبه وياويلها
والبيض واجد مير مالي في هواهن غرام
*****شفني مع اللي دايم عيني تراعي لها
والجادل اللي في حشاها مثل بيض الحمام
*****ياقبلت الله لامشت مااحلى تعازيزها
من كثر مغليها تجيني في حلاة المنام
*****وافز من حلو الكرى عجل واناديلها

*** ارفع الثوب ياغظ النهد لاتجرة
*****ياكحيل المدامع يابعد روحي روحي
بالامانة زرارك تطلقة ماتزرة
*****مقصدك يادقيق العنق تنقض جروحي
وش يحدك على شقر الجدايل تشرة
****كل ماذقت مرة قام مسكة يفوحي

*** سلمولي على الغالي سلامن كثير
*****سلمولي عليها ثم قولوا لها
سلمولي عليها عد زولن يسير
*****عد ماهلت الجبله هماليلها
والله اني عليها اشفق من ام الغرير
*****عندها جاهلن توة يخطي لها
وكل ماشافته في حوشها يستدير
*****صفقتله وجاها الورع يومي لها
ماقعد من نماها كود طفلن صغير
*****هو توالي نماها من رياجيلها
ياخلف من غدالي ياعديل النظير
=والعلوم الردية وش دواليلها

يا هلا باللي وصل منه سلام
......................من وراء البرقع سلامه لي وصل
المحاجر كنها برق الظلام
.............................و العيون السود يزهن الكحل
ما قدرت أجيه بالبيت ازدحام
.............................. والمواجه لو بغيته ما حصل
يا ذريف الطول يا حلو الكلام
..........................ارحم اللي ما بقى عنده عقل
صورك ربي وسواك ابتمام
..........................ما تمل العين شوةفك ما تمل
ويتصور لي خيالك بالمنام
...........................يا بعد روحي بقلبي لك محل.

هذا بعض ما وجدت عن قصائد الفرينسي ، وحسب بعض ماذكر
فإنه يتوافق وبحر الرمل الفصيح وبحر الرمل يتوافق مع الهجيني
ويمكنك البحث في قوقل بكتابة فرينسي
تحياتي

[العيناء العامريه]

السلام عليكم

اخ احمد انا استسلمت

و ماشاء الله الطائر جاب اللي لقاه

لكن عندي لك فكره ممتازه :

في موقع اليوتوب مكان الكليب اللي انت حطيته في ايميل اللي صوره و نشره

تقدر ترسل له رساله و تساله اكيد يعرفها او يعرف احد من اللي موجودين في الرقصه و يمكن يساعدوك و يرسلون لك القصيده كامله او يساعدوك بطريقه ما


تحياتي و حظ سعيد و مبروك مقدما

لا تعبت يالطائر المهاجر والله انك كفو

هلا اخوي العيناء انا دزيتله رساله بس قال انه مايعرفهم ولقا هالفيديو بالنت


تكفون يا اخوانا الشعراء تكفون الي يعرفها يعطيها لنا ؟

يعطيك العاافيه سلمت

[الطامي]

المحيلبي
شكرا لك وموفق بزواجك
صحيح السوأل قديم لاكن لابد من المباركه لك