السياحة

[عذب القوافي]

	--((السياحة))-- ياأهل السياحة دربكم وجهته وين!=وأنتم سلالة من سلالة عظيمه لالاتجون الغرب جلّه مجانين=اللي بلدهم مسرح ٍ للجريمه إجرامهم طاف الكره والمحطيين=وعراقنا في نهجهم كالغنيمه والشرق بعضه مرتع ٍ للشياطين=وأخلاقهم بانت علينا عقيمه ناس ٍ على درب الخنامستعدين=وفي هالحياه كاس ونديم ونديمه واللي يظل الدرب مسكين مسكين=قدّام نفسه مايشوف الخشيمه وبعض الدول فيها من الزين والشين=وإن جيتهم خل النوايا سليمه وحنا بلدنا قبلة ٍ للمصلين=مكة وطيبة للزيارة زعيمه وأبها عليها السحب كالدخاخين=جوّه عليل وخضرته مستديمه والطائف أحلى في خضارالبساتين=فيها الفواكه كلّها ذات قيمه طافت أمستردام وتطوف برلين=شعوب نصفه عايشه كالبهيمه تقديري للجميع,,,,,,

[ابومياس]

هلا وغلا ويسعد لي صباحك يابوابراهيم


السياحة وما ادراك مالسياحة

ياالغالي المشكلة ان السياحة عندنا نار

كنك رايح لجنيف والخدمات سيئة

بس النص راقي وله هدف

صح لسانك وبيض الله وجهك

دمت بخير

[منصور العبدالله]

واللي يظل الدرب مسكين مسكين
قدّام نفسـه مايشـوف الخشيمـه
وبعض الدول فيها من الزين والشين
وإن جيتهم خـل النوايـا سليمـه
وحنـا بلدنـا قبلـة ٍ للمصليـن
مكـة وطيبـة للزيـارة زعيمـه
وأبها عليها السحب مثل الدخاخين
جوّه عليـل وخضرتـه مستديمـه


نص جزل

وهدفه نبيل

وشاعره مبدع

لله درك يابن خزيم

تحياتى مع نسيم الصبح العليل

برقه حرفك

[عذب القوافي]

وجهك أبيض أبومياس

وصدقت يالغالي

صح بدنك تشرفت بمرورك الكريم أستاذي

تقديري,,,,,,

[عذب القوافي]

هلا أخي د.منصورالعبدالله

سرني مرورك العطر يالغالي

وماعليك زود

تقديري,,,,,,

[حوريه]

وبعض الدول فيها من الزين والشين
وإن جيتهم خـل النوايـا سليمـه

وحنـا بلدنـا قبلـة ٍ للمصليـن
مكـة وطيبـة للزيـارة زعيمـه

عبد الكريم...

صح فكرك وقلبك

نص راااقي وممتع

دمت بألف خير

[مبروك بن ماضي]

الاخ الفاضل الشاعر / عبدالكريم بن خزيم
ما أجمل الوقوف على عتبات كلماتك
صح لسانك وجاد بيانك ..
قصيدة موضوعها رائع :
كعادتك في تسليط الضؤ على الكثير من القضايا
التي تهم الوطن والمواطنين
فقد أستمتعت بكل حروفها
تقبل تحياتي وتقديري
أخوك / بن ماضي

[عذب القوافي]

الأخت / حورية

صح الله بدنك

سررت بمروركي العطر

تقديري,,,,,,

[عذب القوافي]

أستاذي / أبوفيصل

صح الله بدنك

ولاهنت على مرورك الكريم يالغالي

تقديري وفيض ودي ,,,,

[الطامي]

بن خزيم
وياهل السياحه دربكم وجهته وين ؟؟؟؟؟؟؟؟؟؟؟؟؟؟؟؟؟
كلام جمكيل وتوجهة طيب
صح السانك وبنانك يالغالي
ولاهنت