كلن على قده تفصل هدومه

[الطائر المهاجر]

كلن على قده تفصل هدومه = الا همومه ما تفصل بمقياس
احد بليا هم عايش نعومه = ابوه هامور رصيده بالاكداس
واحد همومه عشق بنت العمومه= واحد همومه دين وقرض وافلاس
واحد همومه من عيال تلومه= ماله ظهرينفع مثل ساير الناس
يساعد احدهم للوصول لحلومه = وظيفة زينه بلا هم واتعاس
وهو حياته والمبادي سلومه= راحت بشغل وكد ما هاب الانجاس
حتى وصل للي بكرامه يرومه= ثم ابتعد يرتاح من غير هوجاس
لكن جيل اليوم قلت عزومه = بعضه يبي راحه وشغل به امراس
الجلد املس كل همه لحومه = واكل المطاعم لوعطي لحمة بساس
يجيك يتشكى ويبدي علومه = يقول انا تعبان والحال محتاس
ودك مثل هذا تصكه بشومه = لعل يصحى بعدما طوّل نعاس
ماكسب بالدنيا نفوس هزومه= ولا صفت للانبياء خيرة الناس
من لاتعب فيها بنفس جزومه= ما حقق احلامه ويرجع بلافلاس

[منيع]

فعلا يادكتور ماتفضلت به وارد
شكرا لك ولحرفك الصائب
تحياتي

[هترل]

ياسلام عليك يابو عبدالله
دوم اهدافك في الثمنيات
تجربه شاعر علمته الحياه الكثير
صح لسانك وجاد بنانك ولاهنت

تحياتي وتقديري

[الطامي]

صح السانك دكتور
أي والله هذا هو الأنسان يعيش في كبد الى الممات
هادفة وطيبه لعلها تصل لذو لب او عقل

شكرا لك

[داعي الشوق]

صدقت و طبت و طاب حالك

وصح لسانك و معناك ولاهنت

[نجم الإبداع]

صح لسانك يادكتور

ابداع متواصل ماشاء الله
لاهنت

[بنت النور]

صح لسانك ياشاعر
لاهنت
يعطيك العافيه اتفنت وتغننت بلكلمات
تحياتي لسموك

[جهاد الشعلان]

صح لسانك يابوعبدالله

صدقت

تقبل مروري

[الراقي]

نص اكثر من راائع

صح السانك

و دام نبضك الجميل

[منيع]

مـــن لاتـعــب فـيـهــا بـنـفــس جــزومــه
مــا حـقـق احـلامــه ويـرجــع بـلافــلاس

صدقت واجدت
تحياتي لكم