هذه امي هذه امي

عمر ال شيبي · 07-08-2009, 07:26 PM

هذه امي هذه امي

اقفى ليلي مع نهاري ما دريت اني كسيره =دارت الايام خلوه من فكيره معوجنّي
عوج مضمار السباقي لا وصف اليا مثيره=ارسمت خط البدايه فانهايه ما حدنّي
لين حب القلب قادم من قصر اليا شطيره =كافي ترحيب العيون من تلامس اذبحنّي
كن امواج التلاقي في محيطاتي هجيره =تشتكي ظيم الموادع من صعيبات التمنّي
كان عشقي مثل طفل ٍ في صدر امه زغيره=يحتمي من هول دنيا لا فطم لاما وعنّي
كبرت الايام تحلم صيدها يصبح كبيره =هذا حق الام تجمع من وساع ٍ له تهنّي
كيف ان الولد يكبر بالحلم وش هو مصيره =تفرح الدنيا فرحها هذه ام ٍ هيضتنّي
اكتب احساس المشاعر والحلا يكمن فخيره=لانها كنز الامومه كافي تمسح دمع جني
تسمع الصرخه وليدي كلما صابه شريره =كنها تركض غريره لجل روحه ما تعني
آخ يا ام ٍحنونه اه يا شرب المريره =اخ يافاقد حنانك اه يا طيب ٍ زِمني
ما حدا يدري غلاتك عند قلبي لك بصيره=ما حدا يدري بعناتك كل ليله طارقنّي
كِبْرِِ ولدك مع عروسه زانت العين عبيره =وراح بيها مع سلام ٍ يا وِليد ٍ شاغلني
كبرت الامِّ وْهناها ذا حفيد ٍ جا قريره =هذا وِلْدِ اوليدي غالي لاعرفْتُم ما مِضني
نِصّ عمري يا فديته أكثرت فيها ذِكيره= كِنّها ذكرى قِديمه للولد تحكيله عني
هذا بشت ابوك حبي وهذا ثوبه من زهيره= ابني يلبس ما تركته ثوبي وعقالي مثني
كنت اضحك مع قليبي ليله حمره من غريره = كنت فيها العبني اتقلب حق منّي
فجأ قالت ابعدني قالت اليا لك شويره =للعجوز ما نبيها قالت الشين اذهلني
حطها دار ٍ بعيده يا عمر ما لك سريره =اربع وعشرين ساعه في تمام ٍ له تبني
عفت ريحه عفت داره لو ملابسها حريره =هذه امك وش بلاني لا تخليها اهجرني
قلت عوذه وش تقولي يا بنت مالك فديره= هذه روحي في حياتي جنتي روض المسني
عفت ارضك مع دلالك عوفي ارضي ياحقيره=هذه امي ما نبدل لو هواكم اليا جني
هذه امي يا هناتي تاج راسك لي اميره =جنة الخلد قدمها ربي اعلم فيها حني
هل تظنيني اخلي دمعها يقرب هميره=لا ورب الكون ادرى ما هقيتك شيبه شني
روحي اهلك انت طالق يا عسر اليا مسيره =لجل امي ما لي همي غيرها الدنيا تغني
لجل امي لجل امي ها انا ولد ٍ اسيره =نبع عطفات المظنى في عيون ٍ قبلني
هذه امي هذه امي يا بشر حق البشيره = لا تعنّي ولا تمنّي حقها فيني وفنّي

سلطان العطاوي · 07-08-2009, 08:31 PM

الله الله
صح لسانك واعتلا شانك
ابيات راقيه برقي حضورك
لا خلا ولا عدم

عمر ال شيبي · 07-08-2009, 08:39 PM

اقتباس:

المشاركة الأصلية كتبت بواسطة سلطان العطاوي

الله الله
صح لسانك واعتلا شانك
ابيات راقيه برقي حضورك
لا خلا ولا عدم

سلمت وسلم حضورك

لا هان منطوقك

الفاضل · 07-08-2009, 08:40 PM

لجل امي لجل امي ها انـا ولـد ٍ اسيـره
نبع عطفات المظنى فـي عيـون ٍ قبلنـي
هذه امي هذه امي يا بشر حـق البشيـره
لا تعنّـي ولا تمنّـي حقهـا فينـي وفنّـي

صح لسانك ولاهنت اخوي عمر
دمت بود

عمر ال شيبي · 07-08-2009, 08:45 PM

اقتباس:

المشاركة الأصلية كتبت بواسطة الفاضل

لجل امي لجل امي ها انـا ولـد ٍ اسيـره
نبع عطفات المظنى فـي عيـون ٍ قبلنـي
هذه امي هذه امي يا بشر حـق البشيـره
لا تعنّـي ولا تمنّـي حقهـا فينـي وفنّـي

صح لسانك ولاهنت اخوي عمر
دمت بود

حياك وبياك

ويا مرحبا بك

ولا هان منطوقك