النار =====> 10 كم

[فارس القوافي]

السلام عليكم

بقولكم قصة بالعامية
كنت جالس في يوم مع شباب في مدينة الجبيل الصناعيه ( الهيئة الملكية) جلسة شباب عود وكمنجة ومراويس وهيصة شباب شوي جانا واحد من الشباب يضحك فاطس من الضحك نسأله وش فيك وش فيك؟ وهو يضحك طيب قولنا وش فيك قال اصبروا خلوني استرجع انفاسي
وبدأ يقولنا القصة
قال:
كنت في الستشفى ازور واحد من اقربائي والغرفة الي بجنبنا كل ماطلع منها احد سواءً مجموعه والا واحد لحاله اسمعهم يضحكون ضحك عجيب
قال: رفسني الشيطان الا لازم اعرف وش الموضوع
قال : رحت الغرفة الثانية ودخلت يقول اطالع الا واحد شايب ماباين منه الاوجهه والباقي اكثره جبس رجلينه وصدره واياديه المهم انه ابيض في ابيض مكسّر
المهم قال رحت عنده سلمت عليه وقاله سلامات وش فيه وش ذا كله وليش الناس يطلعون يضحكون من عندك؟
قال الشايب لازم تعرف؟
قال ايه
قال الشايب ياولدي كنت نايم في العصرية على البلكونه وحلمت حلم انه قامت الساعه وانه يوم الحساب وكل الناس متجمعين ومقسّمين ناس وجوههم بيض وناس وجوههم سود!!!وفيه ناس اجسامهم ضخمه
قال الشايب انا من الي وجوههم بيض ومبسوط بس بالغلط جو الي اجسامهم ضخمه يحملونا في باصات, طبعا الباصات فيه جزء منها مكتوب عليها الجنه وجزء مكتوب عليها النار
قال بالغلط حمّلوني في باص النار والي معي كلهم وجوههم سود يقول الشايب اصيح فيهم انا وجهي ابيض لكن مايسمعوني
قال ومشى الباص متجه على النار واول ماحركنا كانت المسافه النار 100 كم
يقول وانا اصيّح فيهم محد يسمعني
المهم شوي النار 80 كم ونفس الحكاية محد يسمع
شوي النار 50 كم ولافيه امل
شوي النار 10 كم قال صابتني رعشة وحسيت بحرارة النار
شوي النار 1 كم قال واشيل نفسي ومع القزاز حق الباص ولاصحيت الا في المستشفى
يعني من الدور الثالث رمى نفسه

والله يشهد على كلامي نقلته لكم من شاهد عيان ولاادري صدق والا لا انا ماشفت بعيني ابدا

لاحول ولاقوة الا بالله العلي العظيم



سلااامي لكم

[الريم]

لا حولا ولا قوة الا بالله العظييم

ماادري اضحك ولا ابكي من القصة

من جد مسيكيين ذا الشايب اشوى انه ما را فيهاا ومات!

الحمدالله على سلامته بس

اخوي خالد بن منشار تسلم ويعطيك ربي الف عافية على القصة الراائعة

[منيع]

الا النار ارحم له ههههههههههههه
تسلم ياخالد بن منشار

[فارس القوافي]

الريم


هلا فيك اختي


تسلمين على تواجدك


والله انا نحتار في هالأمر


يعطيك العافية


دمتِ بخير

[فارس القوافي]

منيع

هههههههههههههههههههههههه

ههههههههههههههههه


الله يرج شيطانك

هههههههههههه

اما النار ارحم له ههههههههههههههههه


تسلم


تسلم


تسلم


على حظورك

خخخخخخخخخخخخخخخخخخخخخخخخخ


دمت بخير

[ابو زياد]

تصدق ياخالد وفعلا القصه غريبة
واعتقد انها حصلت لهذا الرجل من حياة قلبه وخوفه من عذاب النار
بس الغريبه كثرة الضاحكين عليه الم يستشعروا ما مر به صاحبهم
مشكور اخوي على النقل الرائع

[فارس القوافي]

تسلم يبو زياد


انا سمعت القصة طال عمرك من زمان وفعلاً موقف يُحزِن اكثر مما يُضحك

وكتبتها في احد المنتديات قبل سنتين تقريباً


اشكرك اخوي على حظورك الراقي


دمت بخير يالغالي

[البديعي]

شكرا لك
على الجهد الطيب
تحياتي

[المورد]

بارك الله فيك
على ما تقوم به
احترامي

[خميس]

خالص الشكر والتقدير
على كل جهودك الرائعه
تقبل اطيب التحيه