ياليت كل الناس مثلك ياسلمان

[نشمي المويعزي]

ابيات كتبتها في أخي الذي يصغرني ( سلمان ) حينما كان في سفر وطال غيابه واشتاقت العين لرؤيته إليكم القصيده

ياليت كل الناس مثلك ياسلمان=لا يابعد راسي وياتاج راسي
ياذخر ابوي انشهد إنك كحيلان=تشيل حملٍ ماتشيله سواسي
شوفتك تجلا عني هموم واحزان=وإن غبت بانت غيبتك بإنتكاسي
انته وطن تمشي على هيئة إنسان=واشوف فيك اهلي وربعي وناسي
انته وطن وانا مواطن بك ازمان=ومقطعٍ جوازي الدبلوماسي
ولا قول فيه قصور في كل الاخوان=اقرب لقلبي كلهم من لباسي
اليا ذكرت غيابهم بعض الاحيان=تخرّب الدمعه على قو باسي
وانا اجتلد من كثر ماني بولهان=عليك ياسلمان وابعد نعاسي
بلاه لا تبطي علينا ياسلمان=البعد قاسي واشهب الوقت قاسي

[نشمي المويعزي]

عفواً أيها القراء

تعديل خطأ مطبعي ( وأشوف فيك اهلي وربعي وناسي )

[داعي الشوق]

صح لسانك مليون يا نشمي

ابيات جميلة معبرة

والله يحفظ سلمان

ولاهنت يالشاعر

و صح لسانك

[عبير الورد]

الله الله


صح لسااااانك ملايين

سلمت وسلم منطوقك الجزل


والله يرده لكم سالم يارب

ربي يعطيك العافية

[عبدالله الشويمان]

صح السانك اخوي نشمي

قصيده رائعه مبنى ومعنى وجزاله

دمت بخير وصحه وسلامه

[منيع]

اكثر من رائعة
وشعور صادق منكم
تحياتي لكم

[الطامي]

المويزعي
صح السانك ملايين
رائعة جدا
لاهنت اخي

[طوفـــان]

صح لسانك والله يرد سلمان ويفرحون الجماعة والاخوان ..

[عبدالإله]

صح السانك وسلمت اناملك

قصيده طيبه سرني قراءتها

[الراقي]

صح لسانك على ما قدمت من ابداع
ابيات فيها من الاصالة ما يكفي