البدراني وصوت (من الكتابي )

[محمد عبدالله البدراني]

مع اسمى ايات الشكر للأستاذه الاديبه الراقيه / عُلا

التي حفظت هذه المحاوره من على الشات الكتابي ، و زودتني بها مشكوره.

محمد/الا ياطير قلي وش علامك = علام الريح ماتثني عزوووومك
صوت /علامك ما تحاسب في كلامك = قبل لا تعرف العالم همومك
محمد/انا ماجيت خبز ولا يدامك = ولكن لاتنفض في هدومك
صوت/تروح السطح وتراقب حمامك = عسى الله لا يوفق من يلومك
محمد/سهرك يطول ومعاقر مدامك = الا ياليت لو ماطال نومك
صوت/محمد وش سبب كثرة ملامك = علومك يالخوي ماهي علومك
محمد/بنانك مايجي مثله بهامك = وسلومي ماتغير عن سلومك
صوت/اشوف الفرق حتى في سلااامك =وانا اللي تسعده لحظة قدومك
محمد/افا يالصوت ماينقص مقامك = ولكن في لغتكم ويش قومك
صوت/انا وقت الشدايد لك حزامك =واشوفك محزمي من يوم يومك
محمد/انا بالنايبه دايم امامك = وروحي فدوتٍ لك من سهومك
صوت/فداك اللي تولّع في غرامك = قبل يفداك من بعده خصومك
محمد/انا وافي معك وافداء كلامك = وعسى ربي يلوم اللي يلومك
صوت/انا شاعر ولكن لك مقامك = وخوفي لا يضيعني هجومك
محمد/بياضك مايقارن في جهامك = ولكن لاتطول في حلوووووومـك
صوت/اموت ولاتجي لحظة خصامك = تعال وشوف في قلبي رسومك

تحيتي واجلالي

[الطامي]

البدراني
صوت الأحساس
صح السنتكما
عملاقين شعر وابيات وافية جدا
لاهنتم

[حوريه]

محمد / صووت
الله على المحاوره الجميله والمرحه
سعة صدر على هالصباااح الباكر
دمتما كما انتما شاعرين مبدعين

[محمد عبدالله البدراني]

العزيز الغالي الطامي سلمه الله


الف مليون شكر لمرورك الكريم المبهج


لاعدمناك ورعاك الاله



تحيتي
مع اسمى ايات الشكر والامتنان فائق التقدير واطيب المنى

[ماجد المهدي]

الله الله يالبدراني ويا صوت

فكر واحد لا يتجزء لجزئين وكأن الأبيات لشاعرٍ واحد

صحت ألسنتكم

تحياتي

ماجد المهدي

[عبدالله الشويمان]

يا سلام عليكم يا شعارنا الافاضل
حوار جميل صحت السنكم ولا هنتوا

[عُلا]

أستاذ محمد / أستاذ علي





الشكرُ لكما موصولٌ لـِ هذه اللوحة الرائعة
التي تعبّرُ عن صدق النوايا و صفاء القلوب


و ما كنتُ إلاّ معجبة ً بـِ شاعريتكمـا
تحاولُ ألاّ تضيعَ هذه الفاتنــــــة





تقديري و امتناني
على الدوام
يا عملاقي الحرف و الحسّ





عُلا

[رفيعة الشان]

الله الله عليـــكم

وأداام الله المحبة والمودة ياارب

الاخ البدراني والاخ الغامدي

صح الله السنتكم

ولاهنتووا

[سناعيس]

محمد البدراني / صوت الاحساس
الكل منكم صح لسانك
محوارة رائعه وحملت في أبياتها العتب وسوء الفهم المصطنع فيما بينكما
ولكنكما في النهايه لم تستمرا على لعب الدور وغلب عليكما حبكما لبعض وغيرتكما على بعض
ههههههههههههه
اسأل الله ان يديم بينكما المحبه
والله لايهينكم
تحياتي

[صوت الإحساس]

اولا مليار شكر للمبدع ( البدر ) محمد لتكرمه وتشريفه لي ولحرفي بحضوري الا جانبه

يعلم الله اني ممنووووووووون له

والشكر موصول اللاديبه وصاحبة الذوق والحس والحرف المبهر (علا)
لتفضلها بحفظ المحاوره

ولك من مر حبي وتقديري

وان كان لصوت الاحساس صوت فأنتم سببه