تشتكي لوسادتك وآنا من همومي اصيح

[الطائر المهاجر]

تشتكي لوسادتك وآنا من همومي اصيح= من عنا الدنيا اعاني غير ماني من يبوح
مسكني بيتٍ اجار وكل سقفه من صفيح = والمكيّف ما اعرفه في وسط صيفٍ لفوح
ليتني ماني بصحرا نفطها دايم طفيح = رزقها عم الديار ومن بوضعي في شحوح
والفساد اللي نخرها صاحبه عيا يطيح = دام متجود بواوٍ ترفعه فوق السفوح
ولا شبع بالسرق يعفى مثل غيره من مليح= ويخلفه شفقٍ على النهبه ويسرق في وضوح
ويستمر الوضع حتى صرت من قهري جريح= كل ما صوّتّ مالي غير همي والجروح
ولو بغيت اكتب همومي قيل اعقل يافصيح=العلن ممنوع لانه مثل اعلانٍ فضوح
بابنا مفتوح للي يشتكي ظلمٍ صريح = ولا وصلته قيل ارجع مامعك له من فسوح
احسب اهل الدين تنطق كلمة العقل الرجيح= واثرهم باعوه حتى يبنوا لعال الصروح
ما بقى به من مبادي فالخلايق في جميح = والضماير ميتاتٍ سادراتٍ ف الطموح
كل واحد ما يبالي لو مشى الدرب القبيح = كل همه كيف ياصل لو غدى ذيلٍ نضوح
لو تقول انك رقيقٍ قال انا وضعي مريح = كاسبٍ سيدي وربعه والمكاسب لي تلوح
من بغى درب المكاسب مايفكر بالصحيح= يحني لراسه مع التيار لو ريحه يفوح
ومن بغى درب الفقارى قال انا الحر الجريح= رافعٍ راسه يحسبه عايش بعصر الفتوح
النفط ما جا بخيرٍ لو بعضنا مستريح = فالبعض ينزف بصمت ولا احد سمع الشروح
كلمةٍ لابد منها ما تبي فكرٍ لميح= الفقر لا حل بارضٍ فالأمن يبدا بجنوح

[حي الضمير]

ليتـنـي مـانـي بصـحـرا نفطـهـا دايــم طفـيـح
رزقهـا عـم الديـار ومـن بوضعـي فـي شحـوح

الله يابوعبدالله نص قوي
رغم المعاناة لكن يلامس وجدان الكثير
خصوصآ الشباب العاطل
قبله على راسك ياعلم وصح لسانك وفكرك
ودنا نسمعها صوتيه

[الـزلـزال]

الطائر المهاجر

في هذا النص الشامخ المعبر المتقن الجزل
شاهدنا حروف الألم بين طياته
لامست الجروح طائرنا الجزل الرائع
حلق وزد بتحليقك الشعري فحروفك نستمتع بها وبما تحمله
صح لسانك ملايين ملايين
ولك فائق تحياتي وتقديري

[داعي الشوق]

صح لسانك مليووووووووون يا بو عبدالله

قصيدة جريئة المعنى

ولولا النفط ما قامت حضاره العالم ،

لكن مغزى القصيدة فيه مهارة شاعر و دكتور ،

و صح لسانك مدد

[بنت النور]

ويستمر الوضع حتى صرت مـن قهـري جريـح
كــل مــا صــوّتّ مـالـي غـيــر هـمــي والـجــروح
احسب اهل الدين تنطـق كلمـة العقـل الرجيـح
واثـرهــم بـاعــوه حـتــى يـبـنـوا لــعــال الــصــروح
مـا بقـى بـه مـن مبـادي فالخلايـق فـي جميـح
والـضـمـايــر مـيــتــاتٍ ســــــادراتٍ ف الــطــمــوح



صح لسانك يعطيك العافيه

ولك فائق تحياتي وتقديري

[عبدالإله]

شاعر و بحر غزير

قصيدة في قمة الجزالة

قرأتها وأستمعت لها كثيراً

صح لسانك

[الخنساء]

كـل واحـد مـا يبالـي لـو مـشـى الــدرب القبـيـح
كـل همـه كيـف ياصـل لـو غـدى ذيــلٍ نـضـوح
لـو تقـول انـك رقيـقٍ قــال انــا وضـعـي مـريـح
كـاسـبٍ سـيـدي وربـعـه والمكـاسـب لـــي تـلــوح
مــن بـغـى درب المكـاسـب مايفـكـر بالصـحـيـح







صح لسانك مليووووون ولايكفووون

قصيدة جزلة تترجم واقع الكثير

سلمت ودام حرفك

[منيع]

ابيات رائعة ومعبرة
شكرا لك
تحياتي

[وليدالبسطي]

صح لسانك يادكتور

نص في قمة الروعه

لاهنت

[الطامي]

دكتور
صح السانك ملايين
رائعة جدا والله يعين على الدنيا بخير
لاهنت