دعوه للسياحه الخارجيه. (ماليزيا )

ماليزيا جيتها ف (أوقست ) ميلادي=أزورها وأتمشى في مناكبها
وعلى شواطي بيننق وجوها الهادي=جيت أكتب أجمل بيوت الشعر وأعذبها
قصيدة جاتني من غير ميعادي=مترتبة ما تبى شاعر يرتبها
حسن الطبيعة ينسي هم الأنكادي=وتنسى هموم الزمان اللي تحسبها
كنك تعيش الفرح فأيام الأعيادي=وتدله عن حساب ساعتك وعقاربها
نسيت بأنا نعيش أغراب وبعادي=ولواعج الشوق تغلبني وأغالبها
الجو فيها يسر ويبهج فوادي=ومناظر تبهر عيوني وتعجبها
موج البحر لا تكسر ما هو بعادي=عين ذبحها الحيا وأرخت حواجبها
وصوت العصافير كنه عزف وإنشادي=معزوفة تسعد أذاني وتطربها
والأرض لامن بدى من وجهها بادي=قام السحاب بهما ليله يعاتبها
وحتى المطر ما معه برق ورعادي=كن السما للوطا تهمس مطالبها
ما تعرف من الخضار الضلع والوادي=والشمس ما شفت مشرقها ومغربها
وسكانها طيبين وناس أجوادي=ما يخاطبونك قبل لا انته تخاطبها
ما الوم من جالها وبماله يفادي=كم ناس من شانها ضاعت مكاسبها
لقيت فيها العرب زافات وأفرادي=والناس تتعب ورى شي يناسبها
بس الصراحة عسى الله يحفظ بلادي=الدين والأمن يرتع في جوانبها
لي الفخر والشرف في ديرة أجدادي=الله عن الشر وأسبابه يجنبها

[ماجد الزيد]

الله الله
صح الله لسانك اخي عماد وجاد بنانك وبيانك
نقلتني معك الى ماليزيا بتصوير رائع جميل
صح الله لسانك وجاد بنانك مبدع

[صوت الإحساس]

صح صح صح لساااانك



والظاهر انا بنعزّم بعد الابيات يالشريف

بيض الله وجهك

[الخنساء]

صح لسانك اخي الشاعرعماد
لاهان را سك قصيدة رائعه
سلمت وسلم شعرك
دمت بخير

[احساس أنثى]

قصيده راااااائعه

صح لسااااااانك وسلمت يمناك

مع التحيه

[ابومياس]

عماد الشريف

صح لسانك وبيض الله وجهك

نقلتنا الى الآف الاميال

نص جميل

دمت بخير

[ام العمده]

الشاعر/عماد

صح لسانك وسلمت يمناك

تحياتي وتقديري

[نجم الإبداع]

ارحب ياعماد


وصح لسانك على المصافحه الراقيه

شووووووووووقتنا لماليزيا

لاهنت


تقبل مروري

وودي

[محمد بن عمار]

السلام عليكم
اخوي الفاضل / عماد
صح لسانك وجاد بيانك
تقبل تواضع حضوري
تحياتي الطيبة
محمد بن عمار

شكرا لكم جمييعا

سعدت بمروركم ايها الفطاحلة

تقبلوا ودي واحترامي