بنت الرجال أهل الوفا كرام اللحى ..!!

[عايض المقاطي]

متواضعه أخرى أضعها

بين أيديكم


والمكسب


رضاكم


,,

الجادل اللي حبها شيد على قلبي قصور=والله,, لتفنى ماتقفل فالخفوق أبوابها
أحبها والقلب ماهو في هوى خلي معذور=وأحب أبوها وأمها,, وأحب كل أقرابها
وما دامني في بالها مالاحقن بالي عزور=وغيابها للروح يعني فالحياة.. غيابها
وبنات فكري لا طرى تارد بي السبع البحور=وأعوم فيها وأنتقي فاللول ما يزهابها
ولا من طرت في ضيقتي تقلب لي الضيقه سرور=وأنسى نكايد دنيتي واهمومها ,, واتعابها
واهيم مع ضبي الفلا واعيش معه بلا شعور=وأسج رجلي للجبال النايفه وأرقابها
ما شي حولي غير طيفه والفيافي والزهور=والخد أرضي واللحاف اللي علي أهدابها
مشي "ن" على وضح النقا والشوق زاد النور نور=وأهل الوشايه ما نحسب فالدروب حسابها
وياللي تقول ان الجمال اليوسفي ساس الغرور=ترى الغرور اللي تمازج بالحلى ماعابها
مع زينها حط الحيا من دونها نقطة عبور=ما كل طامع فالهوى يقدر ينوش ترابها
وياعاذلي ياللي تمنى بينا هدم الجسور=خل السيوف المثلمه ياعاذلي في جرابها
ما للصقور المرقبه في جوها غير الصقور=والكايده لأصحابها ..والهينه لأصحابها
أقولها وأدقها سهمين في وسط النحور=والخيل من خيالها ,,والنار من شبابها
بنت الرجال أهل الوفا كرام اللحى طوال الشبور=اللي على عد الروى دايم تعن ركابها
من غير ناقص في طحاطيح الرجال ولا قصور=في ضنتي ماغير راسي فالرجال أولى بها
ورود دربي فالهوى ياهل الهوى ,,ولا صدور=اللي مشى في سكة قال المثل يضرابها
وأنا من اللي لو يبور الوقت راسه مايبور=أحفظ وصية شايبي والقوم من شيابها
ماني من اللي شغلته بين العرب دهن السيور=ولا نيب خبل يعرض السلعه على جلابها
صحيح من قال الحوايم كلها تسمى طيور=وصحيح من قال الحرار يميزها مخلابها
وصحيح من قال السعه, ياهل السعه وسع الصدور=صحيح من قال المطالب من قسم طلابها
أقولها وأطولها وأضرب بها فوق الصخور=من ضاق منها ياعسى ,,واللي رضى يرضابها
الجادل اللي حبها فأقصى المعاليق مخبور=لن طال وقتي أو قصر في خافقي مضاربها
وطبعي كذا ,,ياللي تلفلف فالسواليف وتدور=الكايده هي مطلبي,, والهينه ما أرضى بها

[الطامي]

الجادل اللي حبهـا شيـد علـى قلبـي قصـور=والله,, لتفنـى ماتقـفـل فالخـفـوق أبوابـهـا
أحبها والقلب ماهـو فـي هـوى خلـي معـذور=وأحـب أبوهـا وأمهـا,, وأحـب كـل أقرابهـا
وما دامني فـي بالهـا مالاحقـن بالـي عـزور=وغيابهـا للـروح يعنـي فالحيـاة.. غيابـهـا
"""""""""""""""""""""""""""""" """
عايض المقاطي العتيبي
صح السانك وعلا شانك
وماتنلام في حب جميع قرايبها
هههههههههههههههههههه
لاهنت وشكرا لك

[ســُلاف]

قصيدة تتكلم عنها ومقدار ذلك الحب
ادام الله هذه المودة وجمع بينكم
عايض صح لساك وريح الله بالك

[عايض المقاطي]

منصور المري


هلا والله وصح بدنك .. وترى الحب يعم كل من حول الهدف



..

تحياتي

[عايض المقاطي]

سلاف



صح بدنك


وياهلا والله ومرحبا,,,,,,,

[سناعيس]

عايض المقاطي
صح لسانك والله لايهينك
على هذه الرائعة والجزله
ولاتستغرب منك الجزاله لأنك عودتنا عليها
لله درك

تحياتي

[محمد عبدالله البدراني]

العزيز الغالي عايض المقاطي سلمت ودمت

ررررااااااااااضين ياعايض ومحبوبتك انت اولابها

الف الف مليون صح السانك ياعايض

قرات سبكا يستحق الاشاده

هذه تحياتي
مع اسمى ايات الشكر فائق الاحترام واطيب المنى رعاك الاله

[يوسف بن صالح]

وطبعي كذا ,,ياللي تلفلـف فالسواليـف وتـدور
الكايده هي مطلبي,, والهينـه مـا أرضـى بهـا

كفو .. كفو


صح لسانك يا عايض

نص جميل جدا استمعت بقراءته



لاعدمناك

[صوت الإحساس]

صح لسانك


حضور رائع


خلفه الأروع



لله درك



ودي وتقديري


لشخصك الكريم

[علي محمد العتيبي]

وطبعي كذا ,,ياللي تلفلـف فالسواليـف وتـدور
الكايده هي مطلبي,, والهينـه مـا أرضـى بهـا

ياسلام

ياسلام عليك ياعايض

ابداع منقطع النظير

لله درك من رائع

صح لسانك ملايين


اعجابي واحترامي