قصيدة شاعر العرب..

[ضعيان البدرانى]

هذة القصيدة للشاعر:عبدالله بن زويبن الحربي...

القاها في مسابقة شاعر العرب...

سمعت لي كلمة مدري وش اقصاهـا = حزت بنفسي وأنا مانيـب هارجهـا
لوكل كلمـة إلـى جتنـا طردناهـا = بعنـا الثمينـة بسعـر مايخارجهـا
لو مـرت السمـع ماكنـا سمعناهـا = ونقفـل الـراس عنهـا لا يبرمجهـا
ومـن يـم هـذا لهـذا مانقلنـاهـا = والناس واجد وتلقـى مـن يروجهـا
ومن عامل الناس في سابق خطاياهـا = يقعـد بـدار خـلا مـاداج دايجهـا
في كنة تشوي الجربـوع رمضاهـا = وتابس غصون الشجر من حر واهجها
والناس بالحق حكم الشيخ ما أرضاها = ماتقنع النـاس لـو انـك تحججهـا
ياللي تبا الطيبـة خذهـا وعطناهـا = وخـل الطريفـة طريـة لا تثلجهـا
وأقضب طريق الأوادم وامش ممشاها = أتبع دروب العرب وأدرج مدارجهـا
وأرسم لنفسـك حـدود ولا تعداهـا = من حط نفسه بدرب الضيق يحرجهـا
وان كان نفسك هواهـا قـام ينحاهـا = حط الأعنة بروس الخيـل وأسرجهـا
وفكـر بمنكافهـا قــدام مغـزاهـا = واضرب حساباتها وتشـوف ناتجهـا
وكل بعضده يمـوح الدلـو برشاهـا = وتلقى كبود الضوامي مـن يبرهجهـا
وان كان توك على صدرك تهجاهـا = حنا ترانـا نـدرس فـي مناهجهـا
من يـم مصباحهـا نبعـد معشاهـا = إلى قعـد راعـي الضلـع يدرجهـا
لو هي صعيبة إلى انعاجت عدلناهـا = واللي تجي مستقيمـة مـا نعروجهـا
نهتم فـي وزنهـا وابـرام معناهـا = ومـن الكرستـال واللولـو نتوجهـا
مثل الجواهـر ليـا منـا نضمناهـا = وسلوكها من جديد الـزري ننسجهـا
مخايـل تردتـدم والصـدر منشاهـا = لا دك بالبـال داكــوك يهيجـهـا
وليا أمطرت ضاقت الوديان في ماها = تاخذ إلى الحول ما يبسـت مدالجهـا
وان صدت الناس عنا ما أعترضناها = مـا تقفـي النـاس عنـا ونتولجهـا
وإن جاتنا الطيبـة بالطيـب زدناهـا = الطيبـة بالعسـل والسمـن نمزجهـا
وان جاتنا الثانيـة نصبـر ونرفاهـا = يمكن إلـى فـاق راعيهـا يعالجهـا
وان عادهـا عـودة ماعـاد ينساهـا = من حربة في صميم الصدر نولجهـا
مسمومـة يبلـش الدكتـور بدواهـا = مايقنع الخبـل ليـن أنـه يلامجهـا

[احساس أنثى]

البدراني


قصيده رائعه وجميله

صح لسان شاعرها وسلمت يمناك على النقل


مع التحيه

[ضعيان البدرانى]

احساس أنثى...شكرا لمرورك الكريم

@ سلمتي ودمتي @

[حي الضمير]

قصيده رائعه وصح لسان شاعرها
وشكرا على النقل المميز

[ضعيان البدرانى]

الاخ:خالد الحمد...شكرا للمرورك الكريم

@ سلمت ودمت @

قصيدة من ذهب وليست مستغربه من ابن زويبن الداهية ..
شاعر مظلوم اعلاميا وبشده ..
تسلم يالبدراني وصح لسان الداهيه ..

[ضعيان البدرانى]

الأخ:ناصرالقزلان...

بوجود امثالك سوف ينصف الشعر الحقيقي...

@ سلمت ودمت @

[الجارح]

سلمت اخوي على هاالنقل وماااقصرت

[ضعيان البدرانى]

الاخ:الجارح ؛؛؛ شكرا للمرورك الكريم

@ سلمت ودمت @

[عالي مستواها]

صح لسان الحربي مليوووون

وتسلم ضعيان البدراني على النقل الرائع تسلم ايدك ولا هنت


تقبل موروي ولكم مودتي