حنا هل العوجـاء

[كظيم]

ياحيف ياللي تبخسون الرياجيل=وتشبهون افعال ناس ٍ بناسي
افعالنا فاقت سحاب المخاييل=وافعالهم بالارض تحت المداسي
واقوالهم هرج ٍ وكله تهاويل=واقوالنا فعلْ وحنى كل راسي
اول وانا لي درب كله عراقيل=درب ٍ صعيب ولا مشاه الخساسي
ما مرّ منه الا كريم الافاعيل=طيب ٍ معه جوده وابو قلب قاسي
زاحمت بالمنكب رجال المشاكيل=ونصّبت نفسي بعاليات الكراسي
واليوم ياستار حتى الخناطيل=قامت تزاحمني وتجرح احساسي
حنا هل العوجاء وحرب المقاتيل=لامن لفاك الجِد شفت الحماسي
ومثل النعامه يختبون المذاليل=هم ما دروا بالوقت قمرا اوشماسي
اما انت يابن العم فعلك مشاعيل=ياراعي النخوه وطيب الاساسي
صديق عمري لو عنته البهاذيل=ماغيرت طبعه ولا هو بناسي
بيني وبينه عشرة النجم والليل=يا ما شربنا الحلو وامرار كاسي
هذي علوم اللي علومه قناديل=قيد الوقيدي طود ثابت وراسي

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[عبدالمحسن الرحمه]

صح السانك شاعرنا القدير
جزله من جزل ودي لكم

[عطر الياسمين]

صح لسانك واعتلى شانك
جزله من جزل
تحياتي

[عبدالله الشويمان]

صح السانك يا اخ عبدالله

نص جزل يا الجزل..ولا فيك قصور وافي.

دمت بخير وصحه وسلامه..

[منيع]

اكثر من رائعة
دمت طيبا
تحياتي لكم

[عمر ال شيبي]

يالله حي القيد وكاتبه
وما عليك زود
طيبه وقويه بالحيل لا هنت
وصح لسانك

[العاشق المحب]

صح لسانك اخوي الشاعر الوقيدي
قصيده جزله من راس جزل

[عبير الورد]

الله عليك

صح لسااااااانك ملايين

سلمت وسلم منطوقك الجزل

ربي يعطيك العافية

[نوض القصيد]

سلمت وسلم منطوقك الجزل

ربي يعطيك العافية