فك الالغاز

[ماجد الراشد الهيري]

ثار القلم والشوق في خاطري فز=وقفت ابكتب لحظة الود بايجاز
صوب الهنوف اللي لمحته وهو خز=اهديه من عذب المعاني والاعزاز
شفته شفوقن بالخفا هزنّي هز=صاب الخفوق اللي له القلب نهّاز
رعبوب شامخ بالحشا كامل العز=كنه على ماقيل أعجاز بأعجاز
ممشوق طوله لامشى ثم تعكّز=رحم الهوى ردفه على لعب نقّاز
مشروب بطنه والصدر لاترزّز=ينساق قلبي لو على الشوق ماحاز
حتى عيونه في وسط شوفها غمز=ولمعة خدوده تتعبك كل ماناز
في مبسمه كل الحلا لزني لز=عذب اللقى في غيها روح تجتاز
كله على بعضه مفصل مطّرز=فلت مسابيح الحلق دون أبراز
أنما قريته بالهوى وأفرزه فرز=أنما كتبته مفردة جوز وأجواز
هذي حقيقة قول ماهي ترى لمز=هذي وصوفه بلغلا لاوقف راز
جمعت في حبه جواهر من الكنز=وأفرح بها كل ماعتلى فيني انجاز
ياللي تحلون العقد فكوا اللغز=احترت مدري كيف انا افك الالغاز

شعر\ماجد الراشد الهيري

[الطائر المهاجر]

صح لسانك وقلبك
ولا هنت
جزلة وطيبة بقافيه ليست بالسهله
تحياتي

[داعي الشوق]

يالـلـي تحـلـون العـقـد فـكـوا اللـغـز = احترت مدري كيف انـا افـك الالغـاز

****************

صح لساااااااااانك مليوووووووون يالشاعر ماجد

شاعر مبدع و مميز

و القصيدة رائعة و قاف كايف

أبدعت و أمتعت

ولاهنت

**************

[الحربي عبدالله]

الاخ الشاعر / ماجد الراشد
صح لساااانك ملايين ولا يكفون ،، شاعر جزل وممتع بدون اي مجامله
الله لايضرك
تحياتي لك ..

[الطامي]

الهيري
صح السانك ملايين
رائعة جدا
لاهنت اخي

[ابو أنس]

الفاضل ماجد الهبري...................
قصيده جميله معنى ومبنى
وذات قافية موسيقية مطربه ومعجزه
طربت كثيرا لما قرأته وسعدت بحضوري هذه الباذخه
تحيتي وودي

[محمد بن عمار]

صح لسانك وجاد بيانك ‏ محمد بن عمار

[حي الضمير]

صح لسانك ملايين
قصيده رائعه وابدعت بارك الله فيك
أجزل التحايا والاحترام

[عبدالرحمن بن زهير]

صح الله لسانك ياماجد جزل ومتمكن ونص راقي...تحياتي

[عبدالعزيز العمار]

صح لسانك ياماجد وجاد بيانك

جزله من شاعر جزل وقدير

تحياتي وتقديري