شــــــراع السفينه

[سيد الحرف]

السلام عليكم ورحمة الله وبركاته

	كفي كفى يكفي كفايه معاذير=خلي جروحك وسط قلبي رهينه لا انتي الدواء للجرح ولا انتي المباشير=انتي سيوفٍ وسط قلبي سنينه يفوح قلبي فوح ذيك المباهير=على لظى جمر الغضى والغبينه حبك قدر والمقتدر فيه تقدير=قدر علي الرب حبك بعينه ثمٍ جعلتك دون كل الملأ غير=وصنعت لك داخل عروقي سفينه واخضعت لك رووس الرجال المناعير=وخليت عذالك يموت بونينه خيمة هوانا كل يومٍ بتطوير=راعيتها إلين صارت مدينه ومن شانك اقدامي طون المشاوير=واقول يفداك الخفوق وحنينه ضميت جرحك يوم قلتي مقادير=فرقا وبعد وقلب بيح كنينه يوم افتقدتك قلت يالله عسى خير=والموت حق مير قلبي عوينه اون واسهر وآتحاشى المناذير=واخشى من سنينٍ شؤوم وحزينه اتلفت حالي يا جميل الغنادير=وهموم قلبي ما تعرف السكينه جيتي وجرحك كان قدامك يسير=هو ذا الغلا ؟؟ والا الممات تعنينه وهلت دموع القلب واستوحش الطير=والبومه الغبراء تصيح اللعينه جرحك يدق القلب دق المسامير=ما عاد في قلبي امل ترتجينه حتى ضلوعي نابها منك تكسير=قولي لخفاقك الله لا يهينه يروف يرحم يكتفي بالتذامير=من قلب ضيع فيك دينه ودينه ظبيٍ تمرد ثم تعدى المحاذير=وسيطر على قلب الاسد في عرينه خلف رمادٍ عقب ذيك المجامير=في قلب محبوبٍ رضى بالهوينه الحب في قلبي تعدى المحاظير=وسيرت له دستور ما تجهلينه وحكمتك الدستور من دون تقصير=وامنتك نصوص العهود المتينه وخنتي عهودي واستقليتي الخير=يجزيك ربٍ كلنا مرتجينه في خافقي من كلمتك حل تدمير=اباد عشقٍ كان وسط الخزينه وحلفت باللي صور الخلق تصوير= وانشأ عباده خلقةٍ مستزينه لا انساك دام اني على القاع آسير=وانسى المحبه دام صارت مهينه وانسى غرامٍ حير الفكر تحيير=ومن حبك الله عالبلاوي يعينه وقبل الختام اوضح القول تفسير=في بيت كلماته سمان وثمينه انتي السراب اللي يحمس على السير=وانتي حشا ذا الحب ما تعرفينه فلا ترجعي ثم تكثرين المعاذير=قلبي فلق بعدك شراع السفينه سافر وهو يحمل من جروحك كثير=وارجوك ثم ارجوك لا تتبعينه

[الطائر المهاجر]

سلمت
وصح لسانك وفكرك
ولاهان راسك
جزلة من راس جزل
تحياتي الطيبة

[منيع]

ابيات ولااروع
شكرا لك ولحرفك الراقي
تحياتي وتقديري

[حي الضمير]

صح لسانك ياحسين
قصيده رائعه وابدعت بارك الله فيك
أجزل التحايا والاحترام

[سيد الحرف]

المشاركة الأصلية كتبت بواسطة الطائر المهاجر

سلمت
وصح لسانك وفكرك
ولاهان راسك
جزلة من راس جزل
تحياتي الطيبة

مشكوووووووووووووووووووور الله لايهينك

[سيد الحرف]

المشاركة الأصلية كتبت بواسطة منيع

ابيات ولااروع
شكرا لك ولحرفك الراقي
تحياتي وتقديري

مشكوووووووووووووووووووووور الله لايهينك

[سيد الحرف]

المشاركة الأصلية كتبت بواسطة حي الضمير

صح لسانك ياحسين
قصيده رائعه وابدعت بارك الله فيك
أجزل التحايا والاحترام

مشكووووووووووووووووووووور الله لايهينك

[عبدالعزيز البليهد]

صح لسانك واعتلا شانك

[مسلم عواد العميري]

ابدعت وامتعت سيد الحرف
صح لسانك وفكرك
نص رائع وجزل
لاعدمنا تواجدك ياغالي
تحياتي

[عبدالعزيز العمار]

شاعرنا سيد الحرف /

صح لسانك وجاد بيانك ..

جزل ماتجيب الا الجزل من القصيد كما تعودنا منك ..

تقبل مروري وتحياتي وكل عام وانت بخير ...