العصيد الدْسم !!

[سعيد مقبل الأكلبي]

يقول الشاعر

اذا كنت في نعمةٍ فارعها

فإن المعاصي تزيل النعم

ويقول المستشعر

اذا كان عندك غنم فارعها=فإن المزارع كلتها الغنم
خصوصاً اذا انفتح شبكها=وراحت ومعها صغار البهم
فمنها تأذى جميع القرى=ومنها تبرّى كبار الذمم
وفيها الحرامي يجد مايبي=ومن ذا الذي لايحب اللحم؟!
فسبحان من يعلم الخافيات=وجل جلاله والي النعم
نشوف العرب كلبوهم عيوب=وفينا عيوب العرب والعجم
ولِدْنا على العنصرية كذا=وكلٌ يقول انا المحْترم
وغيري من الناس ماله اساس=قلوب البراكين آل الحمم
بعصر التسابق بين العقول=وكلٌ على العِلمْ رزّ العلَم
وحنّا مزايَن وعفرٌ وسود=وكلٌ بجنبيّته محْتزم
نقول سنحيي تراث الجدود=واولادنا في يدين الخدم
ونجهل على العلم والعلماء=ومن جهلنا يضحكون الامم
فساد ورشاوي مع الواسطات=وكلٌ على النهْب حث الهمم
كأن الحياة بليا رقيب=ولايُسأل من ظلم!! من ظلم؟
تُسلُ السيوف على الضعفاء=وعند القوي تزول التُهم
غدينا طعام ذوات الذيول=وذات المخالب تأكل شحم
فلو ان كلً ذكر ربّهُ=لطاب لنا العيش والخيرُ عم
ولو ان كلً رأى قبرهُ=لما غادر الناس ارض الحرم
ولو ان كلً معه فكرهُ=لما شفت من يعبدون الصنم
وتأتي علومٌ وتذهب علوم=وقبل المهم يكون الأهم
كلامٌ قليل يكون مفيد=ولاخطبةً يستمعها اصم
وقافٌ جديد وطرقٌ فريد=وشعرٌ اتى ما اتى من عدم
خلطنا العصيد بطعم القصيد=فجاء عصيد القصيد الدْسم

[مبروك بن ماضي]

الأخ الفاضل الشاعر / سعيد مقبل الأكلبي
بقدر روعتك يكون الشعر ..
لك ولقلمك كل التحية والتقدير
صح لسانك وجاد بيانك
ولا تحرمنا من ابداعاتك المتميزه
دمت بخــــــير حال
أخوك / بن ماضي

[داعي الشوق]

صح لسانك يالشاعر سعيد

و الحمد لله على السلامه

عودا حميدا

شاعر جزل و مبدع و رائع دائما

صح لسانك مدد

مع التحية لك

************

[بنت العز]

صح سلانك وعلا شانك
سلمت ولاهنت
يعطيك العافيه

[عبدالعزيز البليهد]

صح لسانك ولاهنت

لله درك على هذا الطرح الراقي وكامل الدسم

فعلاً لم يأتي من عدم انما من فكر وفلسفة شاعر يحمل هموم المجتمع

تحياتي وتقديري وليت الدهماء يستشعرون او يشعرون !!

[الـزلـزال]

سعيد الأكلبي
نص راقي ومميز وهادف
من شاعر تعودنا منه تقديم كل مميز وفريد
أبدعت غالينا وأمتعت
وغير مستغرب منك ماقدمت من رقي في الحرف
رعاك الله ودام نبض حرفك الرنان
صح لسانك ملايين ملايين
ولك فائق تحياتي وتقديري

[عبدالعزيز ابراهيم المنصور]

الله الله الله

نص أكثر من رائع يالأكلبي

لافض فوك سلمت ولاهنت

دمت بخير

[الخنساء]

صح لسانك مليون ولايكفون
قصيدة جزلة من شاعر متمكن
تترجم الواقع لاهنت
دام حرفك

[منيع]

رائعه وهادفه
شكرا لكم
تحياتي وتقديري

[حي الضمير]

صح لسانك ياجزل
قصيده رائعه وابدعت بارك الله فيك
أجزل التحايا والاحترام