الزيد +صوت X الطائر +صنداح

[العيناء العامريه]

15-10, 17:57
صوت الإحساس
وش رايك ناخذ طرق حلو نهجو به الطائر

العينااااء
مشجعه

ماجد حمد الزيد
اشعلت الانوار ومن راسي طلق جنّي=كطلعة الميق ناوي قصف ٍ بغاره


الطائر المهاجر
طلقتك للخلف ياخالي ابعدت عني=وشاوفها رجعت لك تقل طياره


ماجد حمد الزيد
دم دم ددم دم ددم دم دم ددم كنّي=ارجم بخالي رجم وهو وسط غاره

صوت الإحساس
صنداح ودّه وما ودّه ولكنّي = انشفت صنداح يهجم بفضح اسراره

العيناء العامريه يالله قوهم

ماجد حمد الزيد
صنداح جا عانيّن وراح متعنّي = الله يجيره من البلوى ويختاره

صنداح الزلامي
يابو سجا والله انك مانت واصني = ياطول مشوار ابو زايد ومشواره

صوت الإحساس
ماجد عضيدي ولامن شفته آغنّي =ادري باماجد ونفسه دوم مغوااااره

صنداح الزلامي
ياماجد الزيد لا تقعد تحايلني = خواطري بالكلام الصدق دماره

صنداح الزلامي
دنت طبول الحروب وهاجسي دني = وقامت تقافا لها تاره وراء تاره


الطائر المهاجر
طم طم طمم ياخال وش بك صرت متحني=مدري نويت الجواز او في يدك طاره

ماجد حمد الزيد
بن زيد ماهمّه الكافر وهو سنّي=الله واحد ودار المرجله داره

صنداح الزلامي
القوم بطرى ونا ربي يعاوني = على زماني وجور الوقت و اشراره

صوت الإحساس
هلحين واجب علي اساعدك لانّي = حذّرت صنداح لكنّه غدر جااااره

الطائر المهاجر
عليك به دام ماهو منّك ومنّي=هذا بلوشي وندري به من اسفاره

ماجد حمد الزيد
الله يعين اللذي بالحق متونّي=والمعتدي له دمار ٍ يشلع ستاره

صنداح الزلامي
زادن بلا ملح والله مايسمني = يا الشاعر اللي معك بالبوك صفاره
صنداح الزلامي
اللي مايصرف ذهب حذرى يعاملني = حيث الذهب عارفٍ سعره ومقداره


صوت الإحساس
الشعر ياهيه فن ويعجبك فنّي=واللي يبي يعتذر ما نقبل اعذاره

صنداح الزلامي
ياصوت تضحك معي وانته مجنني = خلاص بطل
بالقمار وقماره

ماجد حمد الزيد
خذيتها حكم وانا لازم ٍ صنّي =انا وعلي شاريينن فالزم الحاره

صوت الإحساس
الطاير اللي طلبك ووقال نب عنّي = والحين ماجاك حظك واقبل اكدااره

ماجد حمد الزيد
صنداح وش بك تغيمن هنّي وهنّي = الله يرحم صوابه حزّه دباره

صوت الإحساس
لوكنت من قبل فينا محسن الظنّي = ماكان شعري بنعشك دق مسماااره

ماجد حمد الزيد
حاشور جالك حشور وتتقن الونّي= صنداح زود الونين الزمْه عطّاره

ماجد حمد الزيد
اللي علَق عقل شاعر يوم هو كنّي =والا الجهاز انحرج من قوّة اشعاره

صنداح الزلامي
يدهنك ماجد ياصوت وجيت تدهني = ابعد قبل لايجيب العود مزماره

صوت الإحساس
صنداح ورطان وادري يتعبه زنّي=و الله لخليه يعرف قيمة اشعاااره

ماجد حمد الزيد
خلّ الزوامير يا صنداح والرّنّي= عمرك كبير و تزمّر لك بزمّاره

صوت الإحساس
ما دام ماتعرف الدولار واليني=ماهي غريبه تبدّل ربح بخساره

ماجد حمد الزيد
الجنّي اللي حبس قافك هو الجنّي =مارد وياويل من يلمس طرف جاره

صوت الإحساس
من قبل ما ننهي القيفان طمنّي = عساك مادخت والا جاك دوّاره

ماجد حمد الزيد
صنداح من فوق راسي ماني متجنّي=قدره كبير ٍ وله بالقلب محّاره

صوت الإحساس
وشلون بهجي حبيبي لاغدا منّي =وانا بكيفه وهو بيدينه الطاره

صحت السنتكم و لاهنتم

[نجم الإبداع]

الطائر
صنداح
ماجد
علي

صحت السنتكم والقلوب

شكرا لاتحافنا اخت العيناء

نقل رائع

لاهنتي

تقبلي مروري

وودي

[صوت الإحساس]

اولا شكرا لك يالعيناء على جهدك

وذوقك وروعة حضورك


ثانيا يكفين حضوري مع الطاير وماجد وصنداح

لهم جميعا حبي وتقدير وبيض الله وجيههم

[ام العمده]

الطائر
ماجد
صوت
صنداح

صحت السنتكم
ولاهنتم

دمتم بخير

[صنداح الزلامى]

شكرأ لك العيناء

على النقل الجميل لهذا المحاورة الجميلة


والتفوق الباهر من ماجد الزيد و صوت الا حساس

صحت السنتكم شعرئنا الشباب وماقصرتو على الشياب

لكم دور ثاني

[الطامي]

العغيناء
شكرا لكي على النقل الطيب
وشكرا للشعراء على الصوت والصدى الرائع
لاهنتو جميعا

[سناعيس]

الله الله
الطائر
ماجد
صوت الاحساس
صنداح
لله دركم أمتعتونا
والشكر موصول لمن اخرجها ونسقها هنا الأخت العيناء العامريه

تحياتي

[محمد عبدالله البدراني]

ياسلام صحت الالسن ولاهنتو

ابيات قمه


والشكر للعيناء لاعلامنا


تحياتي

[ياسر عبدالرحمن الخالدي]

ياسلام عليكم جميـــــــــــــــع


صح لسانكم

[حوريه]

العيناء المشجعه الخطيره

تسلمين على هذا النقل لرااائع

من شعرااائنا الكبااار

صحت السنتهم

ودااام عزهم