قصيده قديمه للملك فيصل رحمه الله

[الطامي]

قالها حين ماكان امير على الحجاز وهو يداعب بها الشاعر الباهلي عبدالله اللوحيان رحمه الله

الا يا مل قلب(ن) كل ما جاء الليل جاه خـلاج=يلوج ويجتلـد بالصـدر والعربـان ممسينـي
أنا متحير(ن) مدري عن المدخـال والمخـراج=الا وا عمس رايـي مـا لقيـت اللـي يقدينـي
الا يا مجيب دعوة من تصافق فوقـه ألأمـواج=أنـا بحمـاك يـا والـي الخلايـق لا تخلينـي
الا يا وجد روحي وجد مـن خلـوه بالمسهـاج=كسيـر السـاق بنحـور المعاديـن المغلينـي
الى من دك هاجوسـي ولوانـي علـى ديبـاج=ولو جالي جميع البيـض غيـره مـا تسلينـي
الا وا هنـي مخلـوق يفـرج ضيقتـه لا داج=الى منه دخل بالسـوق غـاد(ن) لـه ميادينـي
ترى بعض العرب عمله بروحه مثل عمل سراج=يضوي للعرب والنار فـي جـوف المسيكينـي

وكان رد عبدالله اللويحان عليه :_

الا يا مسندي دنياك ما تحتـاج مـا تحتـاج=ترى اللي سالم(ن) منها تعادل فيه رمحينـي
تعبر بالهجين اللي يضدنـه ضـلاف العـاج=تودي حملها الجاير ويصبح خاطـره زينـي
تصبر والفرج يا مسندي من صاحب ألأفراج=أكودك عقب صبرك تستعيد العشر عشرينـي
تراني مستعد(ن) لك على المقعـاد والمنهـاج=سبب ما ازعلك يزعلني وما يرضيك يرضيني
ماني بالصاحب اللي يوم يبدي به لزومك ماج=حاشا لله ما أجي عن لزومك يا بعـد عينـي

الملك فيصل بن عبدالعزيز ال سعود .. رحمه الله

[منيع]

شكرا لك اخي الطامي
على النقل المميز

تحياتي

[حي الضمير]

رحم الله الملك فيصل ووالدينا وجميع المسلمين
وبيض الله وجهك غالينا الطامي
منقول رائع

[نفحات حساسة]

رحمهم الله..

قصيده رائعه

وتسلم الطامى

على نقلك

المميز

[الطامي]

منيع
شكرا لمرورك
ولاهنت اخي

[الطامي]

حي الضمير
شكرا لمرورك
ولاهنت اخي

[الطامي]

نفحات
شكرا لمرورش
ولاهنتي اختي

[زهرة اللوتس]

شكرا لك اخي الطامي
على النقل المميز

تحياتي

[الخنساء]

الا يا مسندي دنياك ما تحتـاج مـا تحتـاج

ترى اللي سالم(ن) منها تعادل فيه رمحينـي

تعبر بالهجين اللي يضدنـه ضـلاف العـاج

تودي حملها الجاير ويصبح خاطـره زينـي

تصبر والفرج يا مسندي من صاحب ألأفراج

أكودك عقب صبرك تستعيد العشر عشرينـي

تراني مستعد(ن) لك على المقعاد والمنهـاج

سبب ما ازعلك يزعلني وما يرضيك يرضيني

ماني بالصاحب اللي يوم يبدي به لزومك ماج

حاشا لله ما أجي عن لزومك يا بعـد عينـي

راائع اخى الشاعر الطامى

وصح لسان الشاعر ولاهنت

دام حرفك

[الطامي]

زهره
شكرا لمرورش
لاهنتي