الجيب من ديرة القصمان سريته

[نايض محمد الرشيدي]

اهداء لهذا المنتدى الشامخ بعد غيابي

هذه القصيده اتمنى ان تنال اعجاب اعضاه وزواره

الجيب من ديرة القصمان سريته =مع خط الاسياح تال الليل سارينه
يكشف لك الدرب لامنه رفع ليته= فكسار والحوض قلت الله لايهينه
ومن عند هملان فللته وسجيته = مظهور على ايسري وانا على يمينه
الرمل والبعد بأذن الله تحديته = مادق هوجاسهن والدرب ماشينه
ماغير صوت الهجيني يوم غنيته=طاب الهجيني وبدع الشعر من حينه
عز الله انه ينومس يوم تليته = ساعه ونصف وطريق البدع طاوينه
ال صحصحن مدهال البدوان نصيته = كد عــلـــه الوسم مخضرتن بساتينه
فيه النفل والخزما يوم شميته = يطرب له القلب تطرب له شرايينه
والفجر في موقع المكشات صليته=مــاهــو بفيحان لكن من حوالينه
وشبيت ناري وفنجالي تقهويته=مع واحدن راكبن ديني على دينه
الصاحب اللي من الاصحاب خصيته= ماغيره احدن من الاصحاب شارينه
ياسرع مامر وقتن معه قضيته= بين الفياض الخـضـر تنعش رياحينه
اسبوع شمة هوا مرباع ونهيته = ورديت انا الجيب والمكشات منهينه

نايض الرشيدي

[عبدالعزيز العمار]

نايض الرشيدي

صح لسانك وجاد بيانك

كتبت فأبدعت وأجزلت

والحمدلله على السلامه

تحياتي وتقديري

[بدر الحافي]

نايض صح لسااانك وانا اخوك

بس الخط ماعرفت اقراه زيييين

لي عودة

[عبدالله مذكر العقيلي]

الله الله

نص رائع جدا

صح لسانك

والله لايهينك

ودمت مبدع


تحياتي

[أم ريما]

صح لساااانك

يعطيك العافيه

قصيده جميله


لاهنت ...

[الطائر المهاجر]

(عط الحر فرصه)

[الـزلـزال]

نايض الرشيدي

بوح مميز ومتقن

من شاعر متميز ورائع في كل حالاته

ابدعت وأمتعت شاعرنا رعاك الله

دمت بخير وسلام ودام بوحك

صح لسانك ملايين ملايين

ولك فائق تحياتي وتقديري

[فارس بن عويف]

الشاعر / نايض الرشيدي

صح السانك ولاهنت
نص جميل ورائع
والكروزر يستاهل

تقبل مجمل التحايا .

[احمد القاسم]

صح لسانك واعتلا شانك ابدعت يالغالي

[الطائر المهاجر]

صح لسانك
ولا هنت
تحياتي