جديد : الحدود المسيّجه

[يوسف بن صالح]

السلام عليكم ورحمة الله

الغياب حاصل .. والقصور وارد .. لكم هذه المتواضعة اقبلوها كما هي .. واعذروا غيابي

صوتك اللي لفاني فوق راس العمـل=بين معمل أسيد ومعمـل الهدرجـه
جيت لك درع جنبك ناوي ٍ بالوصل=جيت ناموس من لا يعرف الأدلجـه
جيت خشف الخشوم الوارفة بالأمـل=راكب النهج الأول لا خـلا منهجـه
جيت مفهوم نصن بالنقـط مكتمـل=يوم كلـن يجمّـد حرفـه ويسهجـه
جيت شامخ سكوني راس مال وأهل=علّ صمتي ينوب ويخـزم اللجلجـه
العذر لا تأخر منطقي مـا وصـل=كان رهن الاشارة من طرف مخرجه
"أبرق الجيد" بنكح بالخزامى نفـل=لجل عينك هديتك ما حصل منتجـه
أدعج العين هل لي في المواصل أمل؟=أو حدودك على خبري بك امسيّجـه
رمشك اللي هزم سيفي بدون النصل=حده اللي قتلنـي أو ذبـول اغنجـه؟
وقلبي اللي فبعدك بالجـروح احتفـل=اذبحه أو تحسّب للأجـر واخرجـه

وسلامتكم


المخلص دائما / راعيـ هـ ـا

[محمد عبدالله البدراني]

العزيز الغالي يوسف بن صالح سلمه الله


لعلي حضيت بشرف المقدمه كأول متصفحي هذه الشامخه


ياحي الله راعيها يامرحبا بالشعر واهله


مليون صح السانك يايوسف


وهنا هنا وددت لو ساعفتني الذاكره اوقل المعرفه :
أبرق الجيد" بنكح بالخزامـى نفـل

ابرق الجيد >> وددت لو اعرف ماهو ؟؟؟؟؟؟!!


على كلٍ صح السانك ياراعيها


وهذه تحياتي

مع اسمى ايات الشكر فائق التقدير واطيب المنى رعاك الاله

[الطائر المهاجر]

صح لسانك وقلبك
جزلة من راس جزل وشاعر مبدع
استطاع ان يبحر بها بجداره في قافية صعبه
لاهنت يالغالي
تحياتي الطيبة

[نجم الإبداع]

الله الله

صح لستك على المصافحه التكنلوجيه يايوسف

مبدع انت دوما

لاهن

تقل مروري

وودي

[يوسف بن صالح]

المشاركة الأصلية كتبت بواسطة محمد عبدالله البدراني

العزيز الغالي يوسف بن صالح سلمه الله
لعلي حضيت بشرف المقدمه كأول متصفحي هذه الشامخه
ياحي الله راعيها يامرحبا بالشعر واهله
مليون صح السانك يايوسف

وهنا هنا وددت لو ساعفتني الذاكره اوقل المعرفه :
أبرق الجيد" بنكح بالخزامـى نفـل
ابرق الجيد >> وددت لو اعرف ماهو ؟؟؟؟؟؟!!
على كلٍ صح السانك ياراعيها

وهذه تحياتي

مع اسمى ايات الشكر فائق التقدير واطيب المنى رعاك الاله

لعلك حظيت بالمقدمة .. ولعلي حظيت بالسلام عليك اولا

اخوي العزيز محمد البدراني

صح الله بدنك

والله لا يهينك على مرورك الكريم

من الشرف لي ان تناقشني في اي حرف من حروف المتواضعة

"ابرق الجيد" وصف مجازي كأي وصف ..

فأنا أزاوج بين الخزامي والنفل لأهدي انتاجه الى "أبرق الجيد" ..

توجيهاتك وسام .. يا طويل العمر


لاعدمتك

[رفيعة الشان]

جيت شامخ سكوني راس مال وأهـل
علّ صمتي ينوب ويخـزم اللجلجـه

الشاعر ابن صالح

عز الله ان نصك شامخ

ورائع

صح الله لسانك مليون

[الـزلـزال]

يوسف بن صالح

أدعج العين هل لي في المواصل أمل؟=أو حدودك على خبري بك امسيّجـه
رمشك اللي هزم سيفي بدون النصل=حده اللي قتلني أو ذبـول اغنجـه؟
وقلبي اللي فبعدك بالجـروح احتفـل=اذبحه أو تحسّـب للأجـر واخرجـه

قصيده رائعه من شاعر مميز وجزل

صح لسانك غالينا ملايين ملايين

ونتطلع دائمآ لحضورك وبوحك

تقبل فائق تحياتي

[الطامي]

يوسف بن صالح
ياراعيها وفعلا انت راعيها
صح السانك ملايين
العذر لا تأخر منطقـي مـا وصـل=كان رهن الاشارة من طرف مخرجه
"أبرق الجيد" بنكح بالخزامـى نفـل=لجل عينك هديتك ما حصـل منتجـه
أدعج العين هل لي في المواصل أمل؟=أو حدودك على خبري بك امسيّجـه

ابيات نادرة بمعانيها وقافيتها وما تحتويه من كلمات طيبة لها وبها ذوق خاص لأهلها امثالك
شكرا لك ةولاهنت

[النهج المختلف]

يوسف بن صالح صح السانك ,,,,,

قصيدة رائعة وجزلة من شاعر جزل ,,,,

الله يعطيك العافية يايوسف لاهنت ولاهان راسك ,,,,

معاني جميلة من شاعر متمكن وعذب ,,,,

تحياتي وتقديري ,,,,

[ناصر عبيد الهواوي]

الاخ المبدع يوسف (هـــذه تعتبر من نوادر الكلم)صح لسانك وبنانك وقريحتك
وتقبلوا مروري وتحياتي