اليوم جسمي بالجنوب ونبض قلبي بالشمال

[فواز الغسلان]

الليل طال وسهـر عيني من غـبـون الوقـت طـال=ويفرح بطول الليل جـفـن اللي رقـد ماهـو علـيـل
الـيـوم جـسمـي بالجـنوب ونـبـض قـلـبـي بالشـمال=ليلي طـويـل الـلـه يـعـيـن الجـفـن باللـيل الطويل
ياجرح قلب اللي عـشـيـره بالعرب صعـب المنال=لاصار قلبه من جـمـيـع الـبـيـض مايـرضى بـديـل
والله فـلا تـرقــد عـيـون اللـي فـقـد ذاك الـغزال=اللي رماني مـع بـراد العـصـر فـي جـال المـسـيل
انـا هـقـيــت ان المحـبـه ريـف روح وطـيـب فـال=ماكـنت اظن العوق للـمخلوق بالرمش الكحـيل
وامسيت اعـانـي طـلـقـةٍ مثل التي صابت طلال=اللي رمت شيخ العرب بالـغـدر والخـسـه قـتـيل
ريــمٍ حــلاهـــا فـاق غــيـره بـالـجـمـال وبـالكـمال=رمـشـه رماني فـي سـبـاريـت الخــلا عـابـر سبيل
واشـيـب عـيـنـي كان شـوفـه صـار في حكم المحـال=وشفت الركايـب عقب زين الوصل نادت بالرحيل
ويــن انــت ياراع الـربـابـه هــاتـهــا يـاابـن الحـلال=خـلـه كـمـا ذيـبٍ بـراس الجـال تـسـمـع لـه عـويل
واسجـع بقاف اللي يسـوق القاف بالـدرب الـعدال=ورزقـك من اللي لادعـيـتـه بالـدجـى ماهـو بخـيل
اشكي صواديـف الـزمـان اللي خـذت زيـن الـدلال=واشكي من هـمـوم الـقـهـر والغـبـن والحـمـل الـثقـيل
اطـوي سـبـاريـت الخـلا والشـمـس بـوقـوت الزوال=الـقـيـظ يكـويـنــي وانـا عـطـشـان والـمـمـشى مـلـيـل
لو شـفـت بـيــرٍ فـي رفــاع الـقـاع ماعـنـدي حـبال=والسدر عـنـدي بـس اخـبـر الـسدر مافـيـهـا مقـيل
وما الــوم وقـــتـــي كـان مـيــزانـــه بـراع الجــود مـال=هـذا جـزاء اللي مع صحاصيح الخلا يـنـسـى الصميل
لاشـك جــور الـوقـت مـا جـامـل عـمـام ولا خوال=ولا هـو غـريـب لا قــدح بـظـلـوعـنـــا قـدح الـفـتيـل
ولو كان مايـاطـى سـوى اللـي داس بـدروب الخـمال=ماسـال دم الـظـلــم والـعــدوان مـن عـكـب الخـلـيـل
وان ذقـت نـار الـــغـــدر فـالـغــدار لـه رب الجـــــلال=وعـيــبٍ عـلــى الـلــي سـاق للـغدار من غدره مـثيـل
تـابــى شـمــايـلـنـــا هــزيـل الـهــرج لـو طـــال الجـدال=والا نـجــي درب الـهـبــايـل والـسـبـب هـرج الـهـبـيل
والـلـــي رجـيــت فــزوعـهــم لـلـنـفــس لاطـــال الـنـزال=كــلٍ بـصــف الـخـصــم شـال بـوجـهـنــا سيـــفٍ سليـل
يـمـكــن هـلال الـعــيــد مايـنـشــاف عـنــد اول هــلال=وبــدر الـسـمــاء بالـنـصــف مايحـتـــاج لـظـهـوره دليـل
كل الـعـرب تـشـهـد مـع الـلــي شـال حـمــلٍ مايـشـال=مـار الـفـخــر بـيــن الـعــرب بـالـلــي يـردون الـجـمـيـل
اكـره دروب الــهــون بـرجــالٍ رسـت مـثــل الـجـبــال=والا بــوار الـنـفــس بـأهــل الـطـيـب لا بـار الـعـمـيـل
والا فـأنـا مـن فـضــل رب الـعــرش راسـي فوق جال=واقــوى عـلــى مـمـشى الظمى والـقـيـظ لو زمـلي هزيل
وان كـان تـعــديـل الـطـبــايــع بالــعـرب مـا لـه مـجــال=مـاواحــدٍ مـنــــا بـحـكــم الـلـه عـلـى الـثـــانـي وكــيــل

[الطائر المهاجر]

جزله من راس جزل
سلمت وصح لسانك
ولاهنت
تحيتي واحترامي

[وجدان القلوب]

سلمت وصح لسانك...
شاااااعرنا...

أبيات جداً جميله...

[احمد الكثيري]

صح لسانك مليون ولايكفون والنعم يا النشمي جزله من راس جزل
لك تقديري

[عبدالعزيز البليهد]

تسلم وصح لسانك واعتلا شانك

جزله من راس جزل

[نفحات حساسة]

صح السانك,,اخوى
ولاهنت..ابيات بقمه الروعه
وجزله من راس جزل..
يعطيك العافيه.
تحياتى

[الـزلـزال]

فواز الغسلان
قصيده رائعه وجزله
من شاعر متميز وراقي في كل مايقدمه
مبدع شاعرنا وممتع دائمآ
صح لسانك ملايين ملايين
ولك فائق تحياتي وتقديري

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[فواز الغسلان]

المشاركة الأصلية كتبت بواسطة الطائر المهاجر

جزله من راس جزل
سلمت وصح لسانك
ولاهنت
تحيتي واحترامي

دكتورنا الغالي عثمان

اشكرك جزيل الشكر يالعزوه

[المنتصر]

امتعتنا بهذه الرائعه
صح لسانك
ولاهنت
تحية وتقدير