نسيت الفرزدق والحطيئه وولاده

[نجم الإبداع]

سقى الله زمان الشاعر الفذ ابو تمام=ووقت الحطيئه والفرزدق وولاده
لهم من بديع الشعر صوره بدون احلام=شهاده على تاريخ ماصانه احفاده
وحسان سجل قول في جوهر الاسلام=وسوى عقود الجزل واطرب من انشاده
وناظرت للمتنبي الي به الاعلام= يسوقون شعره في خطبهم على الجاده
على شعرهم بصمه وله ختم ماينظام=ولا انسى جرير ولي على البحتري عاده
زمان الخلافه يوم كل الديار ليام=على الشرع تحيى في عرى الدين منقاده
فللشعر معنى يتعب الحبر والاقلام=ويسري مع العالم وينقله نقاده
على منزله نظم القوافي وفه اعلام=وكلن تمتع لانقل واتقن اسناده
يقوم حروب وفي الفكاهه عليه افلام=وصلنا كثيره كل بحرن طغى ضاده
ثقافه وعلم ونور بين السطور ترام= ومن غاص بين حروفهم عين مراده
ومن عقب راح القدس ماتسمع الا ازلام=عن الحب والا موتر ومدح طرواده
تفاخر على الفاضي وخلف الريال هلام=وتعبير خاوي مايعبر عن افراده
خيالات ماتاصل سوى للخوى والام=وتدليل حرف القافيه قبل ميراده
اذا الشعر ماعبر بقوه عن الاسلام=فلاهوب شعر ولاتعدى لمن شاده

[النوفل]

شكرا لإمتاعنا بإبداعك
لاهنت
تحياتي

[الطائر المهاجر]

اذا الشعر ما دافع بقوه عن الاسلام
فلاهوب شعـر ولا وصل ذروة امجاده
صح لسانك وفكرك
جزل ومبداع دائما
لاهنت
تحياتي

[عبدالعزيز العمار]

صدقت يافلااااح

اذا الشعر مادافع بقوه عن الاسلام
............فلاهو ب شعر ولاتعدى لمن شاده

الله الله وصح فكرك ونظمك ولاهنت

تحياتي وتقديري

[صنداح الزلامى]

صح الله لساااااااااااااااااانك ابو محمد

صدقت بماقلت ياشاعر الفطاحلة

سجل الاعجاب والاحترام لك ولشاعريتك الفذة

[عبدالله راشد الثويني]

صح قلبك يابعدي على هذا الشعر الحقيقي
طامعين بجديدك دائماً
تقبـّـل تحيتي

[المحيط الهادي]

الله عليك اخوي فلاح نص شعري ولااروع

[منيع]

اجدت وابدعت
ولاخلاف على ماتقول
ربي يرعاكم
تحياتي

[حي الضمير]

صح لسانك مدد يابومحمد
على هذه الابيات الجميله والجزله.

لا عدمناك يا مميز

[محمد بن عمار]

	فلاااااااااح صح لسانك ولاهان راسك تألقت فديتك ،،، مودتي