قصيده

[هاوي نجد]

الليل لليل ساهره في خلا نجد = وحدي خلاوي من خلاي اللخلايا
بيني وبين اقرب ضعن نازح البعد = في مهمهن مافيه زول البرايا
واللي حداني للخلا والمهاود = اشطون فكرن راتعه في حشايا
جتني مثل جمع القطا كلها ورد = به مشربن تبغيه بين الحنايا
حلت بصدر حطته مرتع عد = وتلج به لجت حيام ضمايا
احد من حدبن تقد الحشا قد = حطت مواقعها ضميري شلايا
يانفس طعتك في هوا الغي والصد = وارخيت حبلك واحسبنه هنايا
واثرك ظلومه ياعنا الحال من جد = مع جرتك تعبت اقدامي حفايا
واليوم لا والله خصيمك وانا الضد = اللوي عنانك تحت رجلي لوايا
وجميع ماتبغين ملغي ومن لد = وطوعك تطويع عوص النجايا
لقيت درب يفلج القاع من قد = درب مريح عن دروب الغوايا
واللي عصى نفسه وطاع الولي سعد = اخير من درب الزلل والخطايا
لاوا حسافه مامضى ليته يرد = والعمر يمضي والليالي صبايا

[العصفور]

شكرا لإمتاعنا بإبداعك
لاهنت
تحياتي

[الطائر المهاجر]

هلا ومرحبا بك
مصافحة جزلة من راس جزل
صح لسانك
ولا هنت
ارجو وضع رابط نشر هذه القصيدة وبعض من قصائدك
في الإنترنت ، وذلك طبقا لتعليمات النشر لدينا
بما يحقق حفظ الحقوق الأدبيه وفي نفس الوقت
التعرف على زميلنا الجديد
ارحب
تحياتي

[هاوي نجد]

صح الله بدنك وبخصوص الرابط الذي ذكرته فلم يسبق لي اي اشتراك في اي موقع كان ولم اقم بتنزيل اي قصيده من قصائدي في اي موقع \ اوقات سعيده للجميع

[هاوي نجد]

صح الله بدنك \ ويخليك ربي والشكر على التفاعل

[عبدالعزيز العمار]

صح لسانك ياسعيد وجاد بيانك

مصافحه جزله من شاعر جزل

وحياك ربي وبياك بين ربعك واخوانك

تحياتي وتقديري

[هاوي نجد]

صح بدنك اخوي عبدالعزيز \ حقيقه اسعدتني انت والاخوه \العصفور \ والطائر المهاجر \ بالردود الجزله \ طابت لياليك

[محمد بن عمار]

صح لسانك وجاد بيانك يالشاعر
قصيدة جميلة ولكن مع الأخطاء
الإملائية تخفت الشاعرية حيث
أن التنوين والشدة شيء أساسي
هلا بك أخوي سعيد والقادم
أحلى أكيد إن شاء الله ،،
مودتي لاعدمتك يالغلا
محمد بن عمار

[الـزلـزال]

سعيد حزام

مصافحة رائعه وجميلة

من شاعر متميز ورائع فيما قدمة لنا

ابدعت وأمتعت شاعرنا رعاك الله

دمت ودام حرفك

صح لسانك ملايين ملايين

ومرحبآ بك في بيتك الثاني

منتديات الفطاحلة

تشرفنا بتواجدك بيننا

تقبل تحياتي وتقديري

[داعي الشوق]

الشاعر سعيد حزام

صح لساانك مليوون

مصافحة طيبة و دسمه بالحيل

قصيدة جدا رائعة و جزلة المعنى

لله دررررك

سعداء بحضورك المبهر

و صح لساانك مدد

ولاهنت

و يا هلابك أخي الكريم

******************