سفت الضما

[احمد الكثيري]

شفت الضما وش لون سوى بالاشجار=حبك مثيل الماء وروحي شجرها
شفت العمى اللي يفقد الشخص الابصار=انت لعيوني النور وايضا بصرها
شفت الغبار لاثار في وقت الاعصار =حبك سكن روحي بعد واعتصرها
شفت الثرى وش لون لا كف الامطار=انا مثيل الارض وانته مطرها
شفته جمال الفل وانواع الازهار=انته لقلبي وردته مع زهرها
شفت السما وشلون في ضوالاقمار =انا السماء وانت النجوم وقمرها
شفت البشر وش لون تفرح بالاخبار =انت مثيل العلم وانته خبرها
شفت الدموع اللي على خدي انهار=انت المحيط وبحر عيني ونهرها
شفت الدروب اللي طويله بالاسفار=متى على الله ننتهي من سفرها
العبد مايعلم خفيات الاقدار =روحي لقت في خط دربك قدرها
صبرت لجلك واحمل كل لخطار =عينك هلاكي وسم روحي وخطرها
وختامها صلوا على سيد الابرار =اعداد من شاف النجوم و ذكرها

احوكم احمد الكثيري

[منيع]

مبدع ورائع دائما
شكرا لك
تحياتي

[الطائر المهاجر]

صح لسانك يالقرم
جزل ومتمكن
لاهنت
تحياتي وودي

[بنت النور]

الله على الابداع ياشاعرالفطاحله
صح فكرك وقلمك
لاهنت
يعطيك العافيه
تحياتي لـ سموك

[الراقي]

صح السانك مداد
كتبت فأبدعت
دمت بود ياجزل

[محمدالحارثي]

صح لسانك مدد شاعرنا
قصيده رائعه وابدعت في صياغتها
تحياتي

[داعي الشوق]

نص و معنى رائع يا شاعر النص و المعنى

صح لسانك و طاب حالك

ولاهنت يا جزل

تحياتي لك

[الرابعي]

احيي فيك هذا الحضور الرائع
صح لسانك ولاهنت
تقبل اجمل ااتحيه

[حي الضمير]

صح لسانك شاعرنا
ابدعت وعوايدك ياجزل
تحياتي لك

[ساهر الليل]

صح لسانك وطاب حالك

نص جميل ورائع