دخلت السوق وعظامي توامى

[الطائر المهاجر]

دخلت السوق وعظامي تواما= أخاف من الغلط واجني الفشيله
ولا برقٍ كشح وسط الظلاما = سرق شوفي بلمحاتٍ قليله
ببحرٍ فيه للعاشق مراما = وطرف يطرح طيور الفضيله
وخدٍّ فيه من ورد الخزاما= وثغرٍ والشهد من سلسبيله
بليّا شعور ارمي له سلاما = واقرّب منه وادري انّي قتيله
اخذ غطوته ما رد الكلاما= وحجب عني البدر من خلف ليله
ضحكت وقلت في كل احتراما= سؤالٍ لو سمحتي يالجميله!!
حلالٍ تظهري بدر التماما = لابو هنّود واللي من مثيله
وحرام ترفعي حتى اللثاما= لمن عن بعد اشعلتي فتيله
برمشة عين والثغر ابتساما= مشت .. والقلب عاود في صهيله
رجعت البيت في حزن اليتاما = افكر غير مافي اليدّ حيله
فقيرٍ عاطلٍ ياما وياما= رقد جايع وما حصّل حويله
يجرّه قلبه الفارغ إلى ما= الى دربٍ متاهاته طويله
بليّا شغل عايش بانهزاما= غرام وفقر بعظام هزيله
ولقيت شغيل لو طال الدواما= مع الهندي ولا عندي بديله
ابصبر بالشغل بضعة عواما= الين افهم وجمّع لي حصيله
كرفت سنين .. لكن في الختاما= ملكت وصرت للهندي كفيله
وجتني من رمتني بالسهاما= اطالعها وقلبي في وجيله
عجوز مزركشه حتى الحزاما= وقلبي كان أعمى خنشليله
فراغ الرجل يورثه السقاما= وفراغ القلب تغريه الرذيله

[أم ريما]

ضحكت وقلت في كـل احترامـا
سؤالٍ لو سمحتـي يالجميلـه!!
حـلالٍ تظهـري بـدر التمامـا
لابو هنّود واللـي مـن مثيلـه
وحـرام ترفعـي حتـى اللثامـا
لمن عن بعـد اشعلتـي فتيلـه



صــــــــح لسااااانك .. ابيات رائعه وقصيده جميله جدا


تحياتي لك

[الغريب]

صح لسانك يا ابا عبدالله على ها الابيات

الروعه يعطيك العافيه وطولت العمر

[منيع]

ابوعبدالله
تسجيل حضور فقط

[نسناس الهوى]

حـلالٍ تظهـري بـدر التمامـا
لابو هنّود واللـي مـن مثيلـه

اي والله انك صادق

الله عليك يابو عبدالله .. صح قلبك الرائع على هالرائعة

[الطائر المهاجر]

شكرا لأم فيصل
على كريم الحضور والتفاعل
لاهنتي
تحياتي

[همس الورد]

الله الله الله

صح لسااانك

و صح بدنك

و اعتلا شانك

قصيدة رائعة

لاهنت

[عبدالله راشد الثويني]

هههههههههههههههههههههههه
صح لسانك يابـــو عبدالله ابدعت وأمتعت
نــــــص مميز كعادتك لا تأتي سوى بالجزاله والإبداع
تسلم يمناك على ماخطت طامعين بالجديد
تقبل وُدي

[سلطان العطاوي]

صح لسانك
رائعه
تستحق الوقوف عليها كل يوم

[عدنان كريزم]

عجوز مزركشه حتـى الحزامـاوقلبـي كـان أعمـى خنشليلـه

فراغ الرجـل يورثـه السقامـاوفراغ القلـب تغريـه الرذيلـه

============================== ==================

ههههههههههههههههههههههههه



جزله يالغالي ابو عبدالله



لا هنت