ثلاثة وسبعين

[ماجد الزيد]

يا ملّ قلب ٍ كل ما انحر به خلوج=همّل بصدري له خلوج ٍ حانيه
لا منّها حنّت يصكّـن الفجـوج=وترجع على قلبي تدّكـه دانيه
من حنّها قامن يموجنّ البـروج=وسْهيل يبكي للثّريا فانيـة
الله من همٍّ وسط قلبي يلوج=سمّ الخياط و لاج منّه سانيه
لا من طرى للرّوح لحظات الخروج=تنتل نفسي من عروقي جانيه
دمعي يموج ٍ وكل موج يْدف موج=و ضيقي مراكب والأمل ربّانيه
ياما تغانمت الهواء ويّا غنوج=ون طاب منْ ترفه يدوّر ثانية
يا مسرع الدورات بالدنيا تهوج=تخدع لياليها قلوبٍ رانيه
قبل أمس ويّا رفقتي فيها أروج=واليّوم شفهم في وطاة ٍ قانيه
قامت تشلّعهم من ظْهور السّروج=سلعوة ٍ وأنيابها ثمانيه
كم لي من الفرقا على روس البروج=اشكي على الجوزاءَ ما أتآنيه
اليوم بالدنيا ولي فيها مزوج=ولي يوم محمول ٍ تشال امتانيه!!
متساوي ٍ قبري مع قبور اللحوج =والرّيح بالسّافي عليّا بانيه
ولامن طرتلي ضمّة ٍ للقبر اهوج=ويش اغنى عنّي في القبر سلطانيه
يارب تنجيني من ايام ٍ تموج =فتنة وياهم قلّتن اعوانيه
شيعة وسنة بين عباد الفروج =وذاك العوَر عاثي بهم بالثّانية
مسرور ! وليا رجّ في راسي الرجوج=ودّي البشر تاخذ بما اعطانيه
ثلاثة وسبعين شعبة في رتوج=فرقة عهر مومس وأخرى غانية
ظلمى وريح ٍ عاصف وتثغي النعوج=اقنب وقلبي من القنيب اعيانيه
مرّت ثلاث وباقي السبعة تعوج=هل نافعي ان جاء الدخان ايمانيه
لا بطن واد ٍ فيه أنجوا أو الوج=عن مرج ِ قوم ٍ كذّبوا الحانيه
يا من لها في كل ِ عرق ٍ بي نشوج=هلاّ أرتويت ِ من طهور ِ الآنية
قد كُنت أكفرَ من زنادقةِ الزّنوج=حُراً تعبّدَ كلَ لاتٍ زانية
حتّى أتاني من إلآهي عن عروج=بدرٌ ولولاهُ فما أشقانيه
يعني بمنطق هَبس ياظبي المروج=بس آمني وأنتِ بروحي ماينه
و يا ملّ قلب ٍ كل ما انحر به خلوج=ضاعت سدا والنّاس ماهي مْعاينه

[الـزلـزال]

ماجد الزيد

نص في قمة الجمال والروعه والجزاله
من شاعر عودنا على رقي حرفه وجزالته
أبدعت وأمتعت ماجدنا رعاك الله
دمت بخير وسلام ودام لنا حرفك الوهاج
صح لسانك ملايين ملايين
ولك فائق تحياتي وتقديري

[عبدالله الشويمان]

صح السانك صح السانك

ويسلم صوتك وفكرك وبيانك يا ابو حمد.

قلت فابدعت واجزلت وامتعت.

ومع احترامي تقبل سلامي.

ومبارك عليك الشهر الفضيل مقدما..وقبل الزحمه.

عسانا وإياك من صوامه والمسلمين عامه.

[مهدي الحبابي]

اخوي ماجد الزيد

صح لسانك

واعتلا شانك

حضورك رايع

تقبل احترامي

[منيع]

مبدع وجزل ومميز
تحياتي

[فارس القوافي]

اهلا وسهلا ياماجد

صح لسانك

لاهنت


يعطيك العافية


دمت بخير

[سناعيس]

صح لسانك يابو حمد
ولله درك

تحياتي

[الطائر المهاجر]

تميز في الإبداع
وجزله من راس جزل
صح لسانك
ولاهنت
تحيتي واحترامي

[داعي الشوق]

صح لسانك مليون يا بو حمد

ولاهنت يالشاعر المبدع

و الشهر مبارك علينا و عليك

و دمت بخير

*************

[كظيم]

ماجد الزيد
ما اعذبك وما اجملك
صح لسانك حتى ترضى
وصح صوتك العذب .. الله لا يضرك
قصيده جزله وكافيــــه
ابدعت فيهـا وامتعت لله درك
تقبلني وتقبل مروري المتواضع لاهنت
ودي وتقديري