سباحين رمضانية

الطائر المهاجر · 10-10-2006, 03:09 AM

السبحونة يعني سواليف عن ما كان يجري في رمضان
فكل واحد او وحدة يحاول يتذكر وش كان يسوي في رمضان
وهي صغير ، يعني في حدود 3- 5 سنوات.
كانت الرياض صغيرة ، والأحياء قليلة جدا ، وكان بعد صلاة الفجر
من كل يوم رمضان الموعد مع حروب الحارات ، كل حارتين او ثلاث
يسوون حلف ويهاجمون حارات اخرى ، فكان على عيال تلك الحارات
ان يتصدوا للغزو ، كان الحصى والعصي هي ادوات الحرب ، وقد شهدت
حروب عديدة بين شمال وجنوب الرياض آنذاك ، فحارات جنوب الرياض
مثل دخنه والشرقية ومصدة وجبره ، يتصدون لغزو حارات شمال الرياض
مثل الوشام والعجلية والفوطه والعطايف وبعض احياء الشميسي ،
وكان ميدان المعركة جنوب شارع العطايف في تقاطعه مع شارع الشميسي القديم
وكان اصحاب السيارات يتجنبون هذا التقاطع لعلمهم ان الأحجار الطائشة قد تصيب
قزاز سياراتهم . وفي يوم من الأيام ونا جالس بعد الفجر عند منارة مسجد مصدة
والمسمى مسجد الدقسى ، فإذا بي محاط بالغزاة من كل جانب ، وليس حولي من يفزع
فكان على سرعة التصرف قبل ما اكل علقة جامدة ..... فكيف تم تم ذلك؟؟
هذا ما سنراه في الحلقة القادمة

عذبة الطباع · 11-10-2006, 01:44 AM

ماشاء الله عليك ابوعبدالله اجل راعي مطاق وعصابات هههههههههههههه<<مبسوطه
ياحلو ذيك الايام كان للرمضان نكه خاصه
يالله ابو عبدالله نستنى باقي السباحين <<ياحلو ذا الكلمه تذكرني بجدتي