معشوقتي

[عبدالعزيز البليهد]

معشوقتي حبل الرجاء مستزيلي =لاهاجت ريـــــاح الجفاء ماله اطناب
لاتبخلين وعلــــليني وميـــــــلي= اروي ضمايـــا الصبر يكفيني غياب
وش خانة العشره وقولة خليلي =ان ما انتظرتيني وراء صـاري الباب
شفتك وهمت وضيع الله دليلي =عزالله ان العشق سرّاق الالباب
يامن نهبتي بالنواعس حصيلي=يفداك عمري كل كلّي بلاحساب
وان قلتي اعقل قلت والله وكيلي =لولاك عقّلت المدامع بالاهـــــداب
ولولاك ماخليت صبري صميلي =ولا كليت الهم والدم والداب
معشوقتي ظمّي وعليّ واطيلي = يامــا يغار الصبح من ليل الاحباب

[الـزلـزال]

شفـتـك وهـمـت وضـيـع الله دلـيـلـي=عـزالله ان العـشـق ســرّاق الالـبـاب
يـامـن نهبـتـي بالنـواعـس حصيـلـي=يفـداك عمـري كـل كلّـي بلاحـسـاب

عبدالعزيز البليهد
بوح رائع وجميل
من شاعر رائع ومتميز في كل مايقدمه
أبدعت شاعرنا وامتعت
رعاك الله وحماك
صح لسانك ملايين ملايين
ولك فائق تحياتي وتقديري

[منيع]

ابيات رائعه ومميزه
بارك الله فيكم
تحياتي

[حي الضمير]

صح لسانك ياعبدالعزيز
قصيده رائعه وابدعت يامميز
أجزل التحايا والاحترام

[حمود جارالله المزيني]

ياما يغار الصبـح مـن ليـل الاحبـاب

عبدالعزيز البليهد
لك ولقصائدك في نفسي مكانة تختلف

[احمد الكثيري]

بوح جميل وحروف راااائعه وفقك الله تعالى وبارك الله فيك
على هذا النص الجميل
لك تقديري

[داعي الشوق]

الله الله

يالشاعر عبدالعزيز

إبداع رائع

و هطووووول جميل

مليء بالعاطفه النقيه

لله دررررررك يا بن بليهد

شاعر كبير

و رائع في كل الاحوال

صح لسانك مدد بلا عدد

مع تقديري لك

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[سناعيس]

العزيز عبدالعزيز البليهد
صح لسانك ولله درك
على هذه الرائعه
صحيح ابياتها قليله لكن كل بيت عن قصيده بأكملها
لاهنت

تحياتي

[احمد الجريفاني]

ياما يغار الصبح من ليل الاحباب