ياطير يالي منظر للفرايس

[نجم الإبداع]

سلام دام النقض محتاج فتلي=ياطير يالي منتظر للفرايس
ياعود وشبك ماتبي تلتفت لي=مغرور جاكم بوش والست رايس

[الطائر المهاجر]

حطوك مشرف للمحاور وتتلي = ومن قبلهم وانته على القسم سايس
معطيت وجه وجيتك دوم شتلي = ترمي بويتٍ ثم ترجع ترايس

[نجم الإبداع]

ياعود ماذقت الهوى يوم مثلي=ولا اهتنيت العيش بين العرايس
لك حق تعتب غير لاتزيد عذلي=حتى النشاط اليوم صابه عمايس

[الطائر المهاجر]

مادام ذي حالك تنحر لقبلي = واليا وصلت البحر اصحى العنايس
تخير الحرات زبدٍٍ وتطلي = وعلى الشريعه مطعمٍ كل بايس

[نجم الإبداع]

عيني بصيره مير باليد نصلي=والوقت من حولي بكيده يقايس
مافاد علمي به ولا فاد جهلي=من وين ماجيته يجيب الفطايس

[الطائر المهاجر]

موعود في الجنه مدام انت مثلي= خلك على وضعك فقيرٍ تعايس
لكن اعرف انك على كثر جهلي = فحول الفحول وما تركت اللقايس

[نجم الإبداع]

لاتدعي بالفقر وتقول مصلي=والمال عندك بالصناديق هايس
ماقلت سلفني ولا قلت هب لي=خابرك ياقارون بالبخل حايس

[الطائر المهاجر]

المشاركة الأصلية كتبت بواسطة فلاح بن منشار

لاتدعي بالفقر وتقول مصلي=والمال عندك بالصناديق هايس
ماقلت سلفني ولا قلت هب لي=خابرك ياقارون بالبخل حايس

ماينفعك هالوقت اهلٍ وخلي = من دون جيبك في هموم ووجايس
ونا احمد الله مكتفي يالمولي = خل الكرم ينفعك يوم العبايس

[نجم الإبداع]

لو مابذلت الطيب وشله تصلي=باقي تموت وفوق قبرك ترايس
اكسب للاخرى خل الاولى تولي=لك عشر عن وحده فلا تكون خايس

[الطائر المهاجر]

لاتخلط الاوراق وافهم وقل لي= مافيه شي تقارنه بالحوايس
درب التصدق واجبٍ بكل حلي = ودرب الكريم هالوقت مافيه "نايس"