قلبي معك حتى ولو يوم صديت(بالصوت)

[الطائر المهاجر]

قلبي معك حتى ولو يوم صدّيت = مهما حصل منك الهجر فانت معذور
ادري بقلبك صادقٍ يوم حبّيت = وادري الزمن قاسي ولامنّك قصور
وادري انا المسؤل يومي تجنّيت = وابحرت بك في شاطيٍ كان محظور
كان الأمل وهمٍ رسمناه واشفيت = نجمع ثمار الحب كالدر منثور
لكن خساره حلمنا راح وازريت = انسى واسلّي النفس عن حلم مبتور
وش فايده ياليت مهما تمنّيت= حظّي ردي وخاطري منه مقهور
يلعب بي الهوجاس والفكر تشتيت= ولا لي على وصل المحبين مقدور
ليه يازمن من جورك اليوم عانيت= اقضي بقايا العمر في كون مهجور
ظلام دامس وين مارحت أو جيت= ليلٍ طويلٍ لا شعاعٍ ولا نور
حاول حبيبي لو لأجلي تعنّيت = من غيرك اللي يجبر لقلب مكسور

[الأموره]

ليه يازمن من جورك اليوم عانيت
اقضي بقايا العمر في كون مهجور

الله ، ، الله

صح لسانك و علا شانك ،،

سلم بوحك و دام نبضك ،،

الف شكـــــر لك ،،

دمت برعاية الخالق ،،

[عبدالرحمن الصباح]

ظلام دامس وين مارحت اوجيت====ليل طويل لاشعاع ولانور
صح السانك ابوعبدالله رائعه من روائعك ابدعت استاذي

[احمد المرعشي]

الله عليك يا مشرفنا الفاضل


صح الله السانك وسلم بنانك


تحيتي .................. وتقديري ...................لك

[إستبرق]

وش فايده ياليـت مهمـا تمنّيـت
حظّي ردي وخاطري منه مقهـور
يلعب بي الهوجاس والفكر تشتيـت
ولا لي على وصل المحبين مقدور
ليه يازمن من جورك اليوم عانيت
اقضي بقايا العمر في كون مهجور
ظلام دامس وين مارحت أو جيـت
ليـلٍ طويـلٍ لا شعـاعٍ ولا نـور
حاول حبيبي لـو لأجلـي تعنّيـت
من غيرك اللي يجبر لقلب مكسور




أقــرأ أبيـآتــكـ أكــثــر مــن مــرة ..

وفــي كـل مــره .. آكــتـشـف مـآهـو جــديـد ..

يـآ مـن أبيـآتـه لـدمـ الشعـر أوردة .. أتعــبــت الشعـرآء مــن بعــدكـ ..

تعمــق بالإحســآس وبالمعنـــى .. وأصـآلــة بالطــرح وإختيــآر الحــرف

للــه دركـ ..


إستبرق

[الطائر المهاجر]

ايه هين ... رفع الله من قدرك
عارف نفسي ..
لكن التصميم صراحه أكثر من رائع
شكرا لك
تحياتي

[الطائر المهاجر]

شكرا للفاضلة الأموره
على كريم الحضور والتفاعل
لاهنتي
تحياتي الطيبة

[عبدالله راشد الثويني]

استاذي أبو عبدالله
مُبدع كعادتك أبيات تتراقص في سماء الإبداع
عزف منفرد وإتقان يصعب على غيرك
كل الشكر طامعين با الجديد
وٌدي

[همس الورد]

الطائر المهاجر

صح لسانك مليون

و بيض الله وجهك

شاعرنا المحترم

تسلم

صح صح صح لساانك يا الطاائر

قصيده جميله وعذبه

لا هنت

اموااااج