عــودٍ على الـشـبـاك دمـعـه يـبـاريـه\\!

[نايف مقبول العمراني]

قلبي تحطم واصبح الهم يرميـه=من نضرة كثرت همومي بعدهـا
عودٍ على الشباك دمعـه يباريـه=يبكي كما خلفه راحـوا بولدهـا
قمت اناضر له وعينـي تراعيـه=وقلبي ركز بين الضلوع وكسرها
عبر عن الماضي بدمعة جرت فيه=وضاقت به الدنيا وكثرت عوجها
سنه كبير ومالقى مـن يخاويـه=وعجيزه ماتت وارتمى من بعدها
ماله أمل غير ابنه اللي هقى فيه=انه يفـرج علـةٍ بـه ضهدهـا
بس للأسف حتى الولد مابلش فيه=ماسكنه بالديـره اللـي رغبهـا
سكنه في بيـت طويلـه مبانيـه=وكثرت امراضه والمدينه سببهـا
واليوم جرح العود من هو يداويه=عميت عيونه والمـراره شربهـا
ماله ونيس ولاحبيـب مهاويـه=الا دموعه مـن عيونـه حدرهـا
مستعجل عمره يبي الموت يلفيه=ضاقت به الدنيا وضايق بحرهـا
يكفيـك ياوقـت كثيـره بلاويـه=ذوقتنا غبـن الليالـي وكدرهـا
نوب نبيع الوقت واحيان نشريـه=واحيان تخلط مرها مـع عسلهـا
يالله ياللي من طمع فيك ترجيـه=انك تجنبنـا المصايـب واهلهـا
ياواحد معبود والـرزق تعطيـه=ياواحد معبـود منـزل مطرهـا

[الطائر المهاجر]

يبدو ان اخي نايف
استعجل على طبخة هالقصيدة
قافيه العجز لايكفي تنتهي بها وهمزه ، فالمعتبر الهاء فقط فالهمزه هنا تحل محلها الفتحه ، وبالتالي لابد من حرف آخر قبل الهاء مثل: بعدها/ ولدها/ ظهدها ، مع مراعاة عدم تكرار القافيه مثلما حصل مع بعدها
الأشطر التالية مختلفه:
يبكي كما خلفـه راحـوا بولدهـا
قمت اناضر له وعينـي تراعيـه
وعجيزه ماتت وارتمى من بعدها
وكثرت امراضه والمدينه سببهـا

ارجو من اخي نايف سرعة التصحيح
حتى تعاد مرة اخرى للهمس
تحياتي

[نجم الإبداع]

المشاركة الأصلية كتبت بواسطة نايف مقبول العمراني

قلبي تحطم واصبح الهم يرميـه=من نضرةٍ! كثرت همومي بعدهـا
عودٍ على الشباك دمعـه يباريـه=يبكي كما خلفه و!راحـوا بولدهـا
عود!ت اناضر له وعينـي تراعيـه=وقلبي ركز بين الضلوع وكسرها
عبر عن الماضي بدمعه! جرت فيه=وضاقت به الدنيا وكثرت عوجها
سنه كبير ومالقى مـن يخاويـه=وماتت عجوزه وارتمى! من بعدها
ماله أمل غير ابنه اللي هقى فيه=انه يفـرج علـةٍ بـه ضهدهـا
بس للأسف حتى الولد مابلش فيه=ماسكنه بالديـره اللـي رغبهـا
سكنه في بيـت طويلـه مبانيـه=وكثرت امراضه والمدينه سببهـا
واليوم جرح العود من هو يداويه=عميت عيونه والمـراره شربهـا
ماله ونيس ولاحبيـب مهاويـه=الا دموعه مـن عيونـه حدرهـا
مستعجل عمره يبي الموت يلفيه=ضاقت به الدنيا وضايق بحرهـا
يكفيـك ياوقـتٍ! كثيـره بلاويـه=ذوقتنا غبـن الليالـي وكدرهـا
نوب نبيع الوقت واحيان نشريـه=واحيان تخلط مرها مـع عسلهـا
يالله ياللي من طمع في! ترجيـه=انك تجنبنـا المصايـب واهلهـا
ياواحد معبود والـرزق تعطيـه=ياواحد معبـود منـزل مطرهـا

ابو عبدالله

انا لاحظت بعض الخلل بالقصيده
وعدلتها على هذا النحو

امل ان اكون محقا في وجهة نظري

مووووودتي

[الطائر المهاجر]

اعتقد لو نترك التعديل له
فهو شاعر ولكنه استعجل
هذه المره وجل من لايسهو

[نجم الإبداع]

ونعم بك وبه والله

علم

مووووووودتي

[عبدالعزيز الرقابي]

الله يعطيكم العافيه أساتذتنا الافاضل .. على مجهودكم الطيب ..
والشاعر نايف العمراني من الشعراء المبدعين المعروفين لدينا في المنطقة .. ويبدو أنه استعجل قليلا مثل ماقال ابو عبدالله .. ولكن بشكل عام القصيده طيبه جدا ولاتنقصها الا لمساااات بسيطة جدا ً ..

ويبدو أن استعجل في الكتابه على الكيبورد وسقطت بعض الحروف البسيطه سهوا وكذلك نسى التنوين في بعض الأشطر ..

أما بالنسبة للقافيه فكلام ابو عبدالله في محله .. وحرفين بالعاده لاتكفي ..

الله يقويكم ياشباب ..
لاتصدقوا ترى بس ابرفع من معنوياتكم على الصبح ..

[المؤذن]

بارك الله فيك
على ما تقوم به
احترامي

[نديم الحيارى]

وفقك الله
وسلمت اناملك
تحياتي وتقديري

[الحويطي]

جزاك الله خيراً
على ما افدتنا به
ودي واحترامي

[خميس]

الف شكر
على ماجاد به قلمك
تحياتي الطيبه