الدنيــــا

[ابن جردان]

مساكم الله بالخير جميعاً .. يسعدني ان اشارك بأول قصيده لي في هذا المنتدى الجميل والرائع والتي اتمنى ان تنال على القليل من اعجابكم ..

لو كانت الدنيا على نهج الاسلام
...........عشنا بها عيش الرخا والتساوي

بصبر على الدنيا وصكّات الايام
.........واضحك على رغم التعب والبلاوي

وابرك لشيل الحمل في كل الاعوام
........واوقف ولو ماني على الحمل قاوي

شد العزم خلّك على طول مقدام
............وموت بضمى عزّك ولا ذل راوي

ناسٍ تعيش العمر في ظل وانعام
........وناسٍ حداها الجوع والجوع طاوي

يتعب بها الطيّب وترتاح الاقزام
...........وكلاب هذا الوقت قااامت تعاوي

ما أشد وأخبث من سراطان الاورام
.............عجز يداااويه الطبيب المداوي

ولاتامن الدنيا عقب شنْق صدام
..............المجد غاب ومااات حرٍ نداوي

زعيم قايد وآخره حبل الاعدام
.............لاوالله الا جات عكس الهقاوي

ولاترفعون الصوت فـ وجيه الاصنام
........عمر الصنم ما جاب صوت الدعاوي

دنيا غريبه مالهاا فكر وإلهاااام
...........تحّيا بها وبّال وتمووووت شااوي !

سعيد بن بخيت الزهراني
(ابن جردان)

[داعي الشوق]

يا هلا بالشعر و الجزاله

صح لسانك و طاب حالك و فالك

مصافحه جزله

ابدعت و لاهنت

و صح لسانك مدد

[الطائر المهاجر]

ناسٍ تعيش العمر في ظل وانعام
........وناسٍ حداها الجوع والجوع طاوي

يتعب بها الطيّب وترتاح الاقزام
...........وكلاب هذا الوقت قااامت تعاوي

انا اشهد انك حر ولد حر
قصيدة مايقولها الا ضمير حي
صح لسانك ملايين ولاتكفي
تحياتي

[منيع]

جزل ومبدع
شكرا لك
تحياتي

[ابن جردان]

المشاركة الأصلية كتبت بواسطة داعي الشوق

يا هلا بالشعر و الجزاله

صح لسانك و طاب حالك و فالك

مصافحه جزله

ابدعت و لاهنت

و صح لسانك مدد

هلابك اخوي داعي الشوق الجزاله نستمدها من مثلك وشرواك

والابداع كله في حضورك وتشريفك

صح الله بدنك وطاب قلبك

تقبل ودي واحترامي

[ابن جردان]

المشاركة الأصلية كتبت بواسطة الطائر المهاجر

ناسٍ تعيش العمر في ظل وانعام
........وناسٍ حداها الجوع والجوع طاوي

يتعب بها الطيّب وترتاح الاقزام
...........وكلاب هذا الوقت قااامت تعاوي

انا اشهد انك حر ولد حر
قصيدة مايقولها الا ضمير حي
صح لسانك ملايين ولاتكفي
تحياتي

صح الله بدنك وقلبك

ما عليك زود اخوي عثمان

وشهاده عز الله اعتز فيها من شخص شهم مثلك

تقبل ودي واحترامي

[ابن جردان]

المشاركة الأصلية كتبت بواسطة منيع

جزل ومبدع
شكرا لك
تحياتي

شهاده اعتز فيهااا اخوي منبع

اسعدني مرورك العطر والجميل

تقبل ودي واحترامي

[بنت النور]

صح لسانك عددبلا مدد

جزل وابدعت ولاهنت

[طوفـــان]

طرح جزل واستفتاحية جزلة ، تشكر عليها يابن جردان ..

لك تحياتي وواصل اطروحاتك الأدبية الجزلة .

[الطامي]

ولاتامن الدنيا عقب شنْق صدام
..............المجد غاب ومااات حرٍ نداوي

زعيم قايد وآخره حبل الاعدام
.............لاوالله الا جات عكس الهقاوي

صح السانك ملايين
واستشهاد صحيح
لاهان راسك واحساسك
وشكرال ك