مجاراة للشاعر فلاح بن منشار - جونا هادي

[الطامي]

يقول فلاح :-

هاض هاجوسي على وقت الغسوق=يوم في كبد السمـا ذاب الشعـاع
والسبب من واحدن بـل العـروق=يوم ساق الشوق ساقـه باقتنـاع
نخل في بستان متدلـي العـذوق=يعجـب الـزرّاع طلعـه فالمتـاع
بحر فوقه موج من فوقـه ودوق=شفت ومضه عقب مافل الشـراع
شاقني ضوّه وانـا خيلـي بلـوق=يقطع الصحرا ويمضـي مايـراع
خيل في كفـي عنانـه مايبـوق=ينجز الطْلاّب في وقـت الصـراع
نوق فالساحل وفوق البـر نـوق=لو حلبها حادي العيـس استـراع
شفتها تمشـي مشدقـةْ الشـدوق=تاكل الاخضر مع اليابـس سـراع
ليل حالك حولهـا ستيـن طـوق=لو بدون شبـاك تاكلهـا السبـاع
غادر الديره وخل اهـل الطـروق=دام حادي العيس لابس له قنـاع
لاسحابـه لامطـر مابـه بـروق=جوّنـا هـادي ونادانـي اليـراع

مجاراتي له :-

شفت قافٍ فيه حبكٍ بلا شقوق = جابه الشاعر غصيبه او مطاع
فيه دفن وشي مفهوم الطروق = دامج القيفان كود اخفى السناع
لاكن الشعار واوساع الحلوق = ماتطوفها عليهم قدر باع
كان شفت النوق زينات العنوق = والعصى معها تعدل لانصياع
خلك ذيب تحوف لاغاب الشفوق = وانتبه من هجمة شرس السباع
وكل سلك حط ماوضِع لفوق = زود حرص من حراميٍ البتاع
وانت ياللي شفت لميع البروق = بس ودانه الحيا في غير قاع
لاتشد ولا تولع بالعشوق = خير براقه لغيرك وانت راع
البحر له موج واصواته صفوق = انتبه للناب لاينوش الكراع
القناعه بما تدلى من العذوق = خير من طيحه بعد قو اندفاع
من يرى الخيرات يبغيها بذوق = كون يلقى حارس وقوة ذراع
يالله انك لاتروينا فتوق = وتحفظ الأمن من شرور الطماع

[داعي الشوق]

صح لساااااانك يا بو محمد

واعتلا شانك و طاب حالك

مجاراة طيبه و وافيه

و فلاح يستاهل من يجاريه

و صح لسانه

و مافيكم حيله

[سناعيس]

صح لسانك على هذه المجاراة
ماقصرت يابو محمد

لاهنت

تحياتي

[الطامي]

داعي
صح بدنك
وشكرا لمرورك
لاهنت

[الطامي]

النيزك
صح بدنك
وشكرا لمرورك
لاهنت

[حنان الكون]

صح لسانك ويعطيك العافيه

[منيع]

مجاراة اكثر من رائع
شكرا لكما
ودي وتقديري

إبداع ماشاء الله عليكم ، لافض فوك فلاح ، وصح لسانك يامنصور ، ويعطيكم العافيه


’’تحياتي وتقديري لكما’’

[نجم الإبداع]

الله الله

صح لسانك يابو محمد

ومجاره رائعه

شرف لي

لاعدمتك

[مجدي صالح المبارك]

القناعـه بـمـا تـدلـى مــن الـعـذوق
خيـر مـن طيحـه بعـد قــو انـدفـاع
..

صح لسانك شاعرنا القدير

منصور المري

وكذلك الشاعر الكريم

فلاح بن منشار

لكم تحياتي الحاره

و دمتم بكل خير