البعير انســـرق

[فارس القوافي]

بسم الله اللي خلقنا من تراب وفرْق = سبحانه اللي جعل بين البرايا فروق
اليوم جينا ندوّر عن بعير انسرق = لكنّ ضاع البعير وماعرفنا السروق
لا بد نلقى السروق ونسجنه لو شرْق = نقطع يمينه لجل من غيّ غيّه يفوق
وش هالمصيبة عرقت اليوم والله عرق = الناس تنظر لعيني تحسبنّي ابوق
لكنّ ماني من اللي تحت ظلّ ادرق = والله ماندّرق نآخذ ونعطي حقوق
دام انّها واصله ياناس حدّ الغرق = ماني بساكت وبآكل من لذيذ العذوق
وآنا رفيع المقام وبرق عيني برق = آخذ بيدّي حقوقي ثمّ افجّ الحلوق
ياجعل من هو يدوّر للفتن يحترق = ويصير وجهه معلّم من لهيب الحروق

[الطائر المهاجر]

ابعيرك اللي تقوله اظن شارب عرق=ومن غير وعيه طمر وقيدوه الشروق
ويومن بغينا يصحح ابفنجال ليمونٍ شرق= بيعه ودور سواه ماعاد ينبض عروق

[داعي الشوق]

ههههههههههههه

صح لساااااااااااااانك يا راع البعير

و عساك سالم ،،

والله يبعد عنا الفتن و اللي يدورها ،

ولاهنت

[ابو أنس]

الفاضل فارس القوافي.................
قافية جزله وجميله
وتجدد في اإبداع والتمكن
النص في بناءه جميل ومتقن
وفي معناه لاشك انك ترمي لشيئ وتوري به توريه
ان لم يصلني المعنى فقد وصل جمال القصيده
تحيتي وودي

[سناعيس]

ههههههههههه
صح لسانك يافارس القوافي
شكلهم ردو بعيرك والحمدلله على سلامته
لاهنت

تحياتي

[فارس القوافي]

حوّل على المحكمه اثبات والاّ ورق = ونشوف حكم القضاة ونلتجي للحقوق
ترى البعير الضعيّف به سنام انخرق = تشوّهت صورته واللحين به ألف عوق
امّا تردّوه لاهله دون جرح وخرق = والاّ فخلّوه ماني مآخذه .. ما يلوق
ماعاد له طعم لا لحمه ولا فالمرق = من عقب ماكان يشبع نظرتي ذا السبوق

هلا بك ياعود هههههههههههه

[الطامي]

ياسلام عليك ياخالد
صح السانك ملايين
محبوكة صح لافض فوك اخي
شكرالك

[الـزلـزال]

فارس القوافي

نص متقن في كل حروفه
من شاعر عودنا على جمال حرفه وروعته
مبدع ومتميز دائمآ في كل نصوصك
دمت بعيدآ عن الفتن ودام لنا حرفك الراقي
صح لسانك ملايين ملايين
ولك فائق تحياتي وتقديري

[عمر ال شيبي]

روعه يا فارس وقاف طيب
لا هنت وصح لسانك

بتهون والمياه ترد مجاريها ما عليك الا الصبر

وصح لسانك لا هنت

[منيع]

ابيات اكثر من رائعة
تسلم ياخالد
ومالك ومال البعير الشرود
تحياتي