| تـواضـعـك يـرفـعـك |

[سعد السحيمي]

بسم الرحمن الرحيمن

اللي معه تبذل المعروف ثم يِنكِره=بكره تسلم عليه وما يرد السلام
يا مكبر اللي بذل .. واللي جحد مصغره=هذا يدوّر لجر .. هذا قليل احترام
واللي مـَ قدم نصيحه للرفيق وشَره=تراه ماهو يحبه صدق بين الآنام
الطيب اللي نودّه بالوفى نذكره=يستاهل الطيب رجال ٍعزيز المقام
ولاّ الخوي الهداني دايم ٍ نحقره=وان جِيب طاريه نقصر به طويل الكلام
الهرج لازاد في المجلس ما مِنْه ثمره=ان ما تنقّدت في ربعك لحقك الملام
والصاحب ان زل لا تحكي به و تشهره=هرج القفى في الخلايق مثل نهش العظام
و كيد المره يا عرب عَظِيم كيد المره=قد قاله الله ذو القوه و منشي الغمام
و قلب المره هيّنٍ لين ماهوب صْخره=و لسانها عذب و احيانا ً صقيل وحسام
و الرجل ماهوب في سنّه ولا بصوره=الرجل بالعقل لنّ العقل نور الظلام
لاحدٍ ليا شاف له مخلوق يستصغره=تواضعك يرفعك و الكبر حكمه حرام
واعداد ما ناحت الورقى بغصن شجره=صلوا على محمد الهادي عليه السلام

و سلامتكم

[الطامي]

السحيمي
صح السانك ملايين
حكم جميعها
رائعة لافض فوك اخي
شكرا لك

[منيع]

اكثر من رائعة
دمت موفقا
ودي وتقديري

[هترل]

الشاعر سعد السحيمي
صح لسانك مدد يالغالي
شاعر جزل وابيات تزخر بالحكمه
والمعاني الجميله

تقبل مروري


تحياتي وتقديري

[طلال العازمي]

صح السانك ولا هنت جززله من جزل

تقبل مروري

[الخنساء]

لـلـي مـعـه تـبـذل المـعـروف ثــم يِـنـكِـره ------بـكـره تسـلـم علـيـه ومـــا يـــرد الـســلام
يا مكبر اللـي بـذل .. واللـي جحـد مصغـره------هــذا يــدوّر لـجـر .. هـــذا قـلـيـل احـتــرام
والـلـي مَ قــدم نصيـحـه للرفـيـق وشَــره-------تــراه مـاهـو يـحـبـه صـــدق بـيــن الآنـــام


صح لسانك مليووووووووون
قصيدة جزلة من شاعر متمكن
سلمت ودام حرفك

[سعيد عوده الحويطي]

صح لسان سعد السحيمي قصيدة جزلة من شاعر جزل لقد طرحت موضوع اجتماعي يستحق ان يكتب فيه الشعراء لك تحياتي وتقديري

[داعي الشوق]

صح لساااانك مليووووون يالشاعر

ولاهنت يا مبدع

مع التقدير لك

[نفحة الطيب]

روعه وجميل ماكتبت
ابداع واصل السماء
صح لسانك واعتلى شانك
وحفظك الرحمن من كل سووووء

[الـزلـزال]

سعد السحيمي

نص مميز ومتقن وجميل
من شاعر متميز في كل مايقدمه لنا
أبدعت وأمتعت شاعرنا
دمت ودام حرفك
صح لسانك ملايين ملايين
ولك فائق تحياتي وتقديري