ياحصون المملكة

[ناصر عبيد الهواوي]

ياحصون المملكة شم المنارات النوابي=ياعيال القايد اللي جعل فالجنة مصيره
ويا شواهيق الجبال ويانفود ويا روابي=شاركي يا ارياف بالفرحة مع المدن الكبيرة
ياهجوسي هاتي القيفان تو الشعر طابي=اكتبك في ماء ذهب وارسم على قطعة حريرة
عاد ابو خالد لنا بالمملكة والنذل هابي=ادعو الله باسمه الأعظم من الوعكة يجيره
ياولي العهد يالمامون ياعال الجنابي=ياحجانا بالشدايد ياذرا شبه الجزيرة
ياعضيد القايد اللي بالعقيدة ما يحابي=مخبتن لله جهار ومخلص ٍ له بالسريرة
بالحزم والعزم لاحداث الدهر مازلت عابي=للعدا حدب السيوف وللمساكين البريرة
عادل ورايك حكيم ومنطقك دايم صوابي=للوطن حصنن حصين وللعرب ذخر وذخيرة
بالرضا يمناك مثل الغيث ينصب انصبابي=وبالسخط نار ٍ تلظى من يجي حول السعيرة
يالكثيري كان تسأل عن شعوري ذا جوابي=ذا كلام اللي يحب الصدق مايرضى بغيره

[حي الضمير]

صح لسانك وعلا شانك
قصيده رائعه وجزله
ولا عدمنااااك ياناصر
أجزل التحايا والاحترام يامميز

[داعي الشوق]

صح لسانك يا بو عبيد

قصيدة تعبر عن شعور و فرحه ،

لله دررك يالهواوي

إبداع في توظيف الكلمة و المعنى

شاعر محترف و فنان

في كل المناسبات

صح لسانك مليوووووووون

مع تقديري و إحترامي لك

[صنداح الزلامى]

صح الله لسانك وعلا شانك
قصيده رائعه وجزله
ولا عدمنااااك ياناصر
أجزل التحايا والاحترام يامميز

[زهرة اللوتس]

سلمت وصح لسانك
واعتلى شأنك
نص رائع من شاعر رائع
لاهنت
دمت بخير

زهرة

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي

[مبروك بن ماضي]

الاخ الكريم الشاعر / ناصر عبيد الهواوي
صح لسااااااااااانك على هالقصيده الرائعه
قصيده كتبت من القلب لتعانق قلوب قراءها
دائما يكون الجمال حيث تكون شاعرنا
والله يحفظ ولي العهد سلطان الخير
ويمتعه بثوب الصحة والعافيه
تفضل بقبول تحياتي واحترامي ،

[همس الورد]

صح لسانك

و صح بدنك

قصيدة رائعة

لاهنت

[الـزلـزال]

عـاد ابـو خالـد لـنـا بالمملـكـة والـنـذل هـابـي=ادعو الله باسمه الأعظـم مـن الوعكـة يجيـره
يـاولـي الـعـهـد يالـمـامـون يـاعــال الجـنـابـي=ياحجـانـا بالـشـدايـد يـــاذرا شـبــه الـجـزيـرة

ناصر الهواوي
قصيده جزله ومتقنه
من شاعر رائع عودنا على تقديم كل مميز
ابدعت غالينا بكل المقاييس
صح لسانك ملايين ملايين
ولك فائق تحياتي وتقديري

[سعد الشقحاء]

صح لسانك
واعتلا شانك