محتاره

[السفيرة]

السلام عليكم

هلا وغلا بكل من جاوبني او مر على موضوعي

انا عندي مشكله وابغاله حل

ولدي عمره سنتين مايقول ماما ينادين باسمي يا*****

احس انه يفشلني عند اي احد

مادري هو كذا البكر يمون

امي تقول اخوانك ماعمرهم نادون باسمي لاصغير ولا كبير

ابي حل وش اسوووووووووي معه

[الطائر المهاجر]

اذا قال لك *****
تجاهليه نهائيا ولا كأنه قال شئ
واذا قال يمه او يا .. ..وناداك باسمك
كافئيه بأنواع مختلفه من المكافآت في كل مرة
حلاوة ، ومره ، خميه ، ومره كذا بكلام زين يحبه ، المهم ما تستمرين
على مكافأه وحده ..

[السفيرة]

شكرا لك

لاخلى ولاعدم

ابحاول بالمكافاة واشوف تضبط

تحياااتي

[أم ريما]

الله يخلي لك طفلك

فعلا المكافأه اظن لها دور كبير في تغير سلوك الطفل
والمشرف ما قصر ذكر لك كيف الطريقه
بأنك ما تردين عليه ابدا وتفهمينه كيف يناديك

والله معاك

[شموخ سدير]

احس انه اذا كافئتييييه خلاص ما عاد يسوي لك شي الا بس عشان ياخذ المكافاه

يعني يربط بين الشي اللي لازم يسويه بالمكافاه وهذا غلط ...

لان من الصعب جدا انك كل مره بتكافاينه في شي هو من المفترض انه يسويه

وهو ما يناديك باسمك الا لسبب وحتى صديقاتي عانوا من هالمشكله فصاروا يقولون لازواجهم

بابا ونفس ازواجهم صاروا ينادونهم ماما عشان عيالهم يصيرون ينادونهم بهذا الشي وضبطت معهم

والله يخليه لك ويخليك له وجعلك تشوفين فيه مايسرك ..


اخيتس : شموخه ..

[السفيرة]

مشكورات خواتي ام فيصل وشموخ

والله يعافيكم

تحياااتي

انا ارى ان تتركيه


فهو بقلب ملاك


قد تعود على اقاربك حين ينادونك باسمك

وحاول ان يناديك مثلهم لانه لم يسمع اخ له من قبل يناديك

فالاحرى ان تعلم الام ابنها حين بداية النطق ان ذاك الشخص هو بابا

والاب يعلمه ان هذه المراه يناديها ماما

وهكذا

واما من ناحية المكافات ا و العقاب فهو اسلوب غير عقلاني
لان الاول سيعود على عمل اي شيء بمقابل
والثاني سيجعله عنادي ومن طبع الاطفال البكر العناد


وجدت مثل هذا الموقف كثير واقربهم احد اقربائي كان
ولله الحمد





اتمنى لك التقدير

اخوك
علي الحزمي

[الطائر المهاجر]

يبدو ان الأخت شموخ والأخ علي ينطلقان من تجارب شخصية
ولكني انطلقت في الإجابة من منطلق علمي ، هو نظريات التعلم
التي استطاع الإنسان بها أن يروض الوحوش المفترسة لتصبح أليفه
وتؤدي الحركات التي يوجهه لها ..

[بارقةأمل]

السلام عليكم أولاً

وانا أقول شو المشكلة مسيره بيكبر ويعرف إنك ماما وأبوه بابا

عادي هوغالباً الطفل الأول هكذا إلا إذا عودتيه من البداية تقولين له روح لبابا وأعطي بابا

والأب يقول له روح لماما وبوس ماما ولا روح لماما قول وين الأكل خلص ولا لاء

وهكذا بيعرف ويتعود عليها

بس أنا أعرف وحدة ولدها بعد ما صار عمره 4سنوات صاريناديها بأسمها هي بس

والسبب يغير من خواله الصغار وهم ينادون أمه بإسمها وإذا قالت له ليه ماتناديني ماما قال وفلان وعلان ليش يقولون 00000000000وانالاء

يعني طفل معرض لعدة أمور وممكن معالجتها بالتعويد


وسلامتكم

[السفيرة]

تشكرين ام زياد على المداخله بس انا اتضايق اذا كنت عند احد

يبدون يلوموني وافشل انتي ماعلمتيه

وانا كل شي اسويه له عشان يقول ماما بس ينسى مافيه الا هو ماراح يذكر

لا بعد يدلعني باسمي

مشكوره على المرور