لايرد الا شاعره فقط هههههههههههههههه

[الطامي]

ياخواتي بالفطاحل اللي تقولون القصايد = ودنا بالرد معكم نلعب الطاروق ساعه
الشعر ماحكر للشعار وارجال العوايد = كم هنوفٍ قالته يطربك قافه مع سماعه

[انكسارات النخيل]

جاتك إختٍ من بلادك صادها من الهم صايد
ودها بالحرف تشكي وقتها ومر التياعه

مالقينا لوصبرنا من الصبر اية فوايد
كود حرفٍ بالضوايق ازهمه وانهل يراعه


انكسارات

[الطامي]

المشاركة الأصلية كتبت بواسطة انكسارات النخيل

جاتك إختٍ من بلادك صادها من الهم صايد=ودها بالحرف تشكي وقتها ومر التياعه
مالقينا لوصبرنا من الصبر اية فوايد=كود حرفٍ بالضوايق ازهمه وانهل يراعه

انكسارات

مرحبا بك ياختنا بالله والمخلوق بايد = سنة الله ماشيه والحبر وقف من يراعه
مايشيل الهم كون اللي على كبر الشدايد = صابر لين انفراج الوقت يرفع له اشراعه

[انكسارات النخيل]

غربةٍ لاحلها الله شبت بقلبي وقايد
ابعدت الديار وانا مالي بالبعد استطاعه

اعتزيت بخالقي اللي ماخذلني بالشدايد
جامعٍ شمل الاحبه عقب ماطال انقطاعه


انكسارات

[الطائر المهاجر]

عندك اياه ... لا اوصيك
تراه ما يقدر يستمر
انا في صفك

[انكسارات النخيل]

ازهله وانا أختك هههههههههههههههههه

[عبدالله الشويمان]

الله الله عليكم

فطحول وفطحوله يا سلام واصلوا متابعين

وصحت السنكم

[الصريح العتيبي]

لاتعليــــــق

[انكسارات النخيل]

ودي اشوف ردود من شاعرات

وهذي دعوة مني لهن وحياهن الله

[الطامي]

المشاركة الأصلية كتبت بواسطة انكسارات النخيل

غربةٍ لاحلها الله شبت بقلبي وقايد=ابعدت الديار وانا مالي بالبعد استطاعه
اعتزيت بخالقي اللي ماخذلني بالشدايد=جامعٍ شمل الاحبه عقب ماطال انقطاعه

انكسارات

يانكسار النخل غربتش جعلت لش مجايد = ترفع بقدرش بذا الدنيا خبر يطرب سماعه
دام وصلش بالولي ممتد فهو درب الرشايد = وابشري بالخير من ربش ومن كل الجماعه