يافطحولين طلعوا وقولوا وش عندكم

السلام عليكم



اليوم وأنا في السياره مع اخوي..يوم خلاص بنحرك ونمشي فتح درج السياره كلكم عارفينه مايحتاج اوصفه لكم
هذا الدرج اللي قدامي وانا جالسه مب قدام اللي يسوق

يوم فتحه قعدت اطالع فيه كله اوراق واشرطه ..عاداللقافه شيء لابد منه

مديت يدي بسحب وحده من ذي الاوراق بشوفها ..اخوي سكر الدرج وماانتبه اني ماده يدي عليه ..يوم حسيت الهلاك واقع على يدي حاولت اسحبها بسرعه لأنقذ من اصابعي مايمكن انقاذه ..والحمدلله نجت اصابعي كلها إلا اصبع واحد حرام قفل عليه الدرج قلت آي اصبعي ..اخوي ماكان عليه إلا التصريف ماعليش والله مادريت وضحك ..
أنا طبعا ضحكت ..قال هو بعد مالقى الايجابيه خليك تستاهلين علشان تتركين اللقافه
قلت طيب افتحه بتفرج فيه وبالاصح ابفتش ..فتحه إلا الاوراق إيداع بنوك وفلوس رايحه 28000وهو توه اكبر مني بسنه ..قلت والله مب هين ..طيب عطني مما اعطاك الله ..طلع مب له خخخخخخخ اخوي الثاني حاطها في حساب اخوي هذا ..واخوي هذا حولها لحساب اخوي هذاك >>>>>>>هذا وجهي إذا فهمتوا شيء
المهم خرابيط شباب وقسايم وانا افتح في ذا الاوراق واعلق عليه قال الشرهه على اللي يخليك تفتشين المهم كملت تفتيشي .ولقيت اشرطه دينيه و اغاني قلت وشولن تجتمع ذي ..ودي اخذ كل اشرطة الاغاني واكسرها بس مافي اليد حيله
المهم جاء في بالي الموضوع هذا ..وحب الاكتشاف والاستطلاع
وش في سيارة كل واحد منكم بكل امانه واللي يحس انه بيكذب لايكتب شيء

هههههههههههههههههههههههههههههه ههه
ياحبك للقافه ياعهود ................
بس والله موضوع حلو ..................يالله ياشباب طلعو الفضايح
مو نصب ..............

هلا خيالتنا
ترى مب لقافه لقافه بس تقدرين تقولين حب استطلاع

ماتلاحظون ولافطحول رد كلكم حاسين انكم بتكذبون

ليه نكذب ؟؟ لا بقول الصدق

أنا بصراحه فيها كتب عقدية وكتب اجتماعية وكتب منوعة من كل شكل ولون خخخخخخخخ غير العدة أشكال وألوان ومذكرات عقب الجامعه قبل أربع شهور وأشرطة أكوام مكومة شيء لي وشيء لأخواني وشيء بصراحه مدري من هو له وفيها عصى حقت شيبان مزخرفة كنت أتوكأ عليها عقب التواء كاحلي في مرة من المرات وفيها سيور سيارة لو انقطع علي السير وأنا على خط ليني أركب بداله شيء جديد وفيها مركى بين السائق والراكب وفيها نظارات سود شيء مكسور وشيء كويس كل يومين شاري وحده وفي الأخير أشتري غيره بعدها بيومين وفيها كراتين جوالات مدري من هي له خخخخخخخخخ وفيها جاكيتات خخخخخخخخخخ وتوني يوم الخميس جبت كرتون فاين كبير وحطيت فيه العفش ذا كله فيه ورصيت رص مضبوط علشان مايطيح منه بس المشكلة مدري متى بيهديني الله أنزل الكرتون من السيارة يمكن بعد أربع شهور

كذا البطوله الفطحوليه ولابلاش خخخخخخخخ

أنا بصراحه فيها كتب عقدية وكتب اجتماعية وكتب منوعة من كل شكل ولون

خخخخخخخخخخ ذيب مسوي مكتبه متنقله معك

وأشرطة أكوام مكومة شيء لي وشيء لأخواني وشيء بصراحه مدري من هو له

خخخخخخخخخخخخخخخخخخخخخخخخخخخخخخ خخ>>>فطست ضحك على مدري من هو له خخخخخخخ أجل إذا مب لك ولا لأخوانك لمين خخخخخخخخ

وفيها نظارات سود شيء مكسور وشيء كويس كل يومين شاري وحده وفي الأخير أشتري غيره بعدها بيومين

متأكده ان النظارات من محل بوريالين وإن غلت غلت بعشره ريال ..ولا كل يومين مشتري وحده

وفيها كراتين جوالات مدري من هي له خخخخخخخخخ

خخخخخخخ الله يرجك رجا جيدا ياذيب والله فطست ضحك عليك الحين كراتين الجوالات مكانها وين هو به ولا بعد مب لك ماتدري لمين
نص العفش اللي في السياره مب لك اجل للجيران مثلا

وفيها جاكيتات

ذيب والله ان سيارتك غريبه الاشياء اللي فيها وش جاب الجيكيتات فيها ..فاتح محل ملابس في سيارتك

متى بيهديني الله أنزل الكرتون من السيارة يمكن بعد أربع شهور

خخخخخخخخخخخخخخخخخخخخخ اقول ذيب تبي نصيحتي خل واحد من اخوانك ينزله لأني اتوقع مب اربع شهور بتقعد في السياره امكن سنه سنتين بلقليل عارفتك في اشياء كثيره ماسويتها للحين على انك قايل بتسويها وانتظرها ماطلع ولاشيء منها ..
على العموم صراحه رائعه طلعت لنا من فضايحك
والله الموضوع اثاريه شيء خلانا نعرف وش عند جيلنا ..الله يستر من فضايح باقي الفطحولين ..

[الطائر المهاجر]

"قلت طيب افتحه بتفرج فيه وبالاصح ابفتش ..فتحه إلا الاوراق إيداع بنوك وفلوس رايحه 28000وهو توه اكبر مني بسنه ..قلت والله مب هين ..طيب عطني مما اعطاك الله ..طلع مب له خخخخخخخ اخوي الثاني حاطها في حساب اخوي هذا ..واخوي هذا حولها لحساب اخوي هذاك >>>>>>>هذا وجهي إذا فهمتوا شيء ""

هالحركة ما يسويها إلا عصابات المافيا عند رغبتهم في غسيل الأموال
اثاريك واخوانك خطيرين

هالحركة ما يسويها إلا عصابات المافيا عند رغبتهم في غسيل الأموال
اثاريك واخوانك خطيرين

خخخخخخخخخخخ
مشرفي لاتصرف السالفه قول لنا وش في سيارتك

شرهتك على اللي يسوق الآن ....ولكن السيارة باقية ،
وفيها الإستمارة ، والكتلوج ، لأني اشغل الرادو أحيانا قليلة
فأنا ممن يركز اثناء القيادة ولايرغب بشئ يشغله عنها.
ولكن وشلون افسر ما ذكرتيه عن حركة اخوانك إلا بهذا الإحتمال

[أصالة تميم]

والله فضايح حلوه ياعهود

[أصالة تميم]

المشاركة الأصلية كتبت بواسطة ذيب السنافي

ليه نكذب ؟؟ لا بقول الصدق

أنا بصراحه فيها كتب عقدية وكتب اجتماعية وكتب منوعة من كل شكل ولون خخخخخخخخ غير العدة أشكال وألوان ومذكرات عقب الجامعه قبل أربع شهور وأشرطة أكوام مكومة شيء لي وشيء لأخواني وشيء بصراحه مدري من هو له وفيها عصى حقت شيبان مزخرفة كنت أتوكأ عليها عقب التواء كاحلي في مرة من المرات وفيها سيور سيارة لو انقطع علي السير وأنا على خط ليني أركب بداله شيء جديد وفيها مركى بين السائق والراكب وفيها نظارات سود شيء مكسور وشيء كويس كل يومين شاري وحده وفي الأخير أشتري غيره بعدها بيومين وفيها كراتين جوالات مدري من هي له خخخخخخخخخ وفيها جاكيتات خخخخخخخخخخ وتوني يوم الخميس جبت كرتون فاين كبير وحطيت فيه العفش ذا كله فيه ورصيت رص مضبوط علشان مايطيح منه بس المشكلة مدري متى بيهديني الله أنزل الكرتون من السيارة يمكن بعد أربع شهور

ياسلام عليك يالسنافي ....................عندك كم عين ؟؟؟؟؟؟؟؟؟؟؟؟؟؟تسوق من هنا وتقرى من هنا وتلبس من هنا وتكلم

من هنا ...........................حشا مو سياره هذي هذي غرفت نوم حوسه بعد

والكرتون ماراح ينزل إلا بعد مايجتمع كذا كرتون ثاني .............

ولكن وشلون افسر ما ذكرتيه عن حركة اخوانك إلا بهذا الإحتمال

عادي مشرفي خذ راحتك في التفسير ..وترى انا رئيسه حزب المافيا

والله فضايح حلوه ياعهود

هلا اصوله ..نور الموضوع ...
من ناحية فضايح بتطلع فالله يستر .. بس اشوف باقي الفطحولين ماكتبوا ولا قالوا وش عندهم ..
خلكم ذيابه مثل ذيب والمشرف وقولوا وش عندكم في سياراتكم الله يستر لايجينا واحد ويقول فاتح بقاله في سيارته خخخخخخخخخخخخخخخ