حسبي عليك الله يابتهوفن وياشكسبير

[نجم الإبداع]

الي يدور لي علامه جا عبوسن قمطرير =ماخذت حق ابوه والهقوه رجع من دونها
الريس الي يحكم الدوله لمثلي يستشير = واهل العيون الحاسده ياجعل يعمي نونها
ليت انور السادات طاوع قبل موته للبشير=لن كان نهر النيل هضبة نجد به يسقونها
الروح مادري وشبها ملت من الوضع الاخير =نيّات غدر مبيته والعارفه يدرونها
والله اني ادرى العاقبه لكن موجات الاثير=تنقل لي الاخبار والحالات من مضمونها
حسبي عليك الله يابتهوفن وياشكسبير = غيرت منطوق العروبه والقصص يروونها
ضاعت بلاد الرافدين اليوم والحاضر خطير=فارس وجيش الروم والغارات حول حصونها
مات الفوارس بالعرب من عهد موسى بن نصير=واهل المواتر بالبراري ماشيه طبلونها
ماباقي الا اهل التطاول في البنا واهل الحرير=اهل السيوف الرهف صارو بالذهب يطلونها
اهل الردى واهل التقى واهل الهوى والزمهرير=كلن على الطرقه يهين جوارحه ويصونها
تغير المفهوم والعادات ماتت والضمير=ميت مع التجار والسلعه بدو يغلونها
واهل القروش اليوم ماقد خرجو حق الاجير=وديارهم لاقامت القالات مايحمونها
اهل الكروش المتخمات الي كلو حق الفقير=من جمر يوم الدين والزقوم له يملونها
الي يخطط خطته ماجاب ناقه والبعير = ماجاب غير الكارثه وصحابته يحدونها
اخر زمان اشوف بين الناس شرن مستطير=وبنت بقعى رزت التيزار بين عيونها
قامت تلاحقني وانا ادري ماورى الخفرات خير=ماهيب ليلى العامريه او انا مجنونها
جت بالحطب شب الحطب وابليس منها يستجير= وانا حلفت ان جات لاكْسر بالايادي شونها
ماجيت طالب قربها عندي من الايام خير = في كل ملقى لو تجي عادت بغير اسنونها
واستغفر الله في زمان النت عانينا الكثير=والناس شفناهاصفى والي بسوء ضنونها
ماشي على وضح النقى والي هقى عود كسير=صفحات بيضاء ناصعه ماغيرو في لونها
اود راعي الود والي ياتعدوى عنه اسير = والي يواجهني من الشعار يقصر بونها
عندي محيطات القوافي والجزاله والعسير=وتاج الحطيئه والفرزدق منظبط قانونها
اقول ماشاء الله ليا شفت الذي سر الامير = واحمد جليل الملك لاشفت الذي يحزونها
الي يبا كحل العيون العور لوّ انه سمير = مايرحم الفارس قبيله لو يبْقر بطونها
ياكم رحمت اهل المشاعر ثم لاقيت المصير=واليوم جمر الغيض لامن صب يمحي فنونها
اقعد على الفرش المسجى يوم خصمي بالحصير=حاكم زمام الشعر والغاوات مايقوونها
عزي برب البيت في دربي وهو نعم النصير = مانحقر العربان واصحاب الوفاء يقرونها
ادري ان فيه اشخاص لاناظر قوافيه يمير = والبعض يعقدها ويعرف لزمها بمرونها
واعوذ بالله من زمان العولمه والقمطرير =والفتنه الي جت من المشرق تطل قرونها
جودي من الماجود واعذر يوم تقرى ياخبير=والختم صلو عالنبي المختار عد متونها

[الطائر المهاجر]

صح لسانك وفكرك
جزله وحساسه
لاهنت
تحياتي

[محمد بن عمار]

صحححححححح لسانك يالفلته الخطيررررررررر ، مودتي

[حرف وشعر]

صريييحه وقويه

يالله ياجعل دارك

الرخاء

تقبل مروري

[عبدالله سعود الحويطي]

اللهم صلي على سيدنا محمد وعلى آله وصحبة اجمعين
صح لسانك على هذه الجزلة التي تطرقت الى الواقع الغير متوقع
والنعم فيك وفي شعرك يالغالي
تحياتي

[عبدالعزيز العمار]

الله الله

صح لسانك يافلاااح وجاد بيانك

شاعر جزل وقدير في كل شي

تقبل مروري وخالص تحياتي

[منيع]

اكثر من رائعه
تسلم يابومحمد
تحياتي

[الخنساء]

صح لسانك مليوووون ولايكفون
قصيدة جزلة من شاعر متمكن
سلمت ودام حرفك

[عبير الورد]

صح لسااااااااااااااااااانك ملايين
سلمت وسلم منطوقك لجزل
ربي يعطيك العافية

[الذيب الذيب]

اللهم صلي على نبينا محمد وآله وصحبه اجمعين وصح لسانك ملايين يانجم الإبداع
تحياتي لك