لاصرت ما تعرف تجر الربابه

[الطائر المهاجر]

لاصرت ما تعرف تجر الربابه= ولا تدق الطار او تعزف الناي
فانته نشازٍ في زمان النهابه= حتى ولو حطوك فراش للشاي
للشاي اصوله وانت مابك ذرابه= عايش على وقتٍ مضى تجهل الجاي
يمكن بطبخك له تمرر شرابه= ويمكن تعفسه فانت خالفت للراي
وللشاي وقته فيه عز ومهابه= اذا اجتمع شمل الجواكر على الهاي
تنشا المزن من دون برق وسحابه= وتمطر ذهب بيدين طابخ وشواي
حراج وحده في يدين العصابه= والسمسري والسرسري الكل شراي
والفجر لامنه بدا باقترابه= الكل صلى قبلةٍ فوق الاشلاي
واخذت لك تعريف رمز وكتابه = يمشي معك مادمت بالحق دواي
ويكتب بأنك تستحق الحرابه= من كل فاسد يخلط الزيت بالماي
مالك سوى انك تنزوي في خرابه= وتحرق بدمك دام للحرق غواي
مالك ومال الناس مهما تجابه = خسران يامعاند بحر كان نساي
فالمرجله راحت بعصر الكوابه= كلٍ يبي ينهش ولو كان صواي
فالكل صار اليوم فاقد صوابه= واللي بعقله صار كالغصن ذواي

[داعي الشوق]

صح لسااانك يا دكتوور

قصيده جميله و حلاها شاهي

لاهنت لاهنت

و صح لسانك مدد

[فايز بن جبيل]

الطائر المهاجر

صح اللسانك وجاد بيانك

ابيات جزلة من شاعر جزل

تقبل ودي وتقديري

[الطامي]

وللشاي وقته فيـه عـز ومهابـه=اذا اجتمع شمل الجواكر على الهاي
تنشا المزن من دون برق وسحابـه=وتمطر ذهب بيدين طابخ وشـواي
حراج وحده فـي يديـن العصابـه=والسمسري والسرسري الكل شراي

،،،،،،،،،،،،،،،،،،،،،،،
الطائر
صح السانك ملايين
جبتها عالجرح يادكتور لافض فوك
شكرا لك

[حوريه]

ولـلــشــاي وقــتـــه فـــيـــه عــــــز ومــهــابــه
اذا اجتمع شمل الجواكر على الهاي

خاصة الشاي الكيني
صح قلبك على هالرائعه
لا هنت ولا هان مغليك
ودي وتقديري

[الخنساء]

صح لسانك مليوووووون ولايكفون

قصيدة جزلة من شاعر متمكن

سلمت ودام حرفك

[طوفـــان]

صح لسانك د . أبو عبدالله على هالقصيدة الجزلة

لك كل الشكر على طرحك


تحياتي لك

[محمد بن عمار]

هههههههه وعندك أربع أسود
وعبّي حجررررررررررر ........!
على وقت براريد الصين تلقيمة
صحححححححح لساااااااانك
وأنت بمكااااااااااااااانك لاهنت

[فارس القوافي]

هالله الله يابو عبدالله

صح لسانك ولاهنت

يعطيك العافية

دمت بخير

[كظيم]

ياسلام ياسلام

صح لسـانك وفكرك يالدكتـور
قصيده جزلـه ووافيـــه
ابدعت فيهـا معنـى ومضمـون
لله درك
تقبلني وتقبل اعجابي مروري المتواضع لاهنت
ودي وتقديري