محاوره على خفيف

[سناعيس]

ياطير غرد واترك اللي ينوحون=على الزمان اللي جحدهم وولا
واشفق على اللي ماتبيهم يروحون=واللي تغلا ولو تراجع يخلا

[قـرنـان]

الطير هو الطائر المهاجر؟؟؟

[الطائر المهاجر]

قصر الفطاحل مجلسه يسع مليون = من كل رجل في فعاله تعلا
واللي نشوفه من سلالات فرعون = انودعه بالطيب مثل المهلا

[نجم الإبداع]

يامشتكي للطير وش فيك محزون=اعرفك لو تخفي ! المشاعر تدلا
هيضتني وازريت بالي يشوفون =لاضاق صدرك بالقوافي تسلا

الله الله متابع

[سناعيس]

المشاركة الأصلية كتبت بواسطة الطائر المهاجر

قصر الفطاحل مجلسه يسع مليون = من كل رجل في فعاله تعلا
واللي نشوفه من سلالات فرعون = انودعه بالطيب مثل المهلا

ترى العدد ياطير لو هو ترليون=منهم عدد محدود طيبه تجلا
ومنهم رجال أبعدو غصب وبدون=ماقول متردين حاشا وكلا

[الطائر المهاجر]

حياك الله يافيصل
وحياك الله يافلاح
ومشكورين

من لابغى يحكمه عرف وقانون = بسلامته يلقى مكان يتسلا
مانبعد الطيب ولا نشري الدون= درب الفطاحل كالقمر لاتجلا

[سناعيس]

المشاركة الأصلية كتبت بواسطة فلاح بن منشار

يامشتكي للطير وش فيك محزون=اعرفك لو تخفي ! المشاعر تدلا
هيضتني وازريت بالي يشوفون =لاضاق صدرك بالقوافي تسلا

ياطيب السيره فلا عنك يخفون=ربع توارو ومنهم اللي تبلا
وان هاض فكرك هاته بصوت ولحون=أنا أشهد انك واحد مايملا

[سناعيس]

فيصل الغامدي
مراحب

[سناعيس]

المشاركة الأصلية كتبت بواسطة الطائر المهاجر

حياك الله يافيصل
وحياك الله يافلاح
ومشكورين

من لابغى يحكمه عرف وقانون = بسلامته يلقى مكان يتسلا
مانبعد الطيب ولا نشري الدون= درب الفطاحل كالقمر لاتجلا

أنا أدري ان الدرب واضح ومضمون=وللي يخالف عندك ألفين حلا
وان الذي يسجل وبه نية جنون=لابد له من له يوم ويتل تلا