ان ضاق صدري(بالصوت)

[الطائر المهاجر]

إن ضاق صدري أسلي النفس واشغلها = بابيات شعر اسطرها على بالي
يا ما قصيدة أحاولها واحايلهــــا = لعل تعكس بعض همي وغربالـي
مع كل هم قصيدة لو أطولهــــا = تقضى القصايد وهمي واقف قبالي
يالله دخيلك همومي كيف ابدلهـــا = والوقت صعب يعاند كل رجالــي
دنيا بها الحر ما يقوى تحملهــــا = مما يشوفه ولا يدري وش التالـي
دنيا بها ابليس أبرق في مخايلهـــا= وامطر سراب يهدد كل الاجيالــي
والناس تركض وتزرع في مجاهلهـا = وكل مع الخيل يا شقرا بالاعجالي
لا فكر ، لا حس ، لا دين يعقلهـــا = ولا خوف من ربها او نار واهــوالي
مكر وخداع ونفاق في تعاملهـــا = والدين اصبح تجارة بعض الانذالي
والواسطة علة والوقت سهلهــــا = ومن دونها ضايع حقك بالاهمالـي
ولوك تمهلت ما تبغي تشغلهــــا = تلقى حصاني تعقد كل حلالـــي
باسم القوانين كل صار يفتلهــــا = واذا اشتهى عطل القانون بالحـالي
وكل يبي فوق لو نفسه يرذلهــــا = حتى ولو ضامره باعه ولايبالي
وقت الحصاني تبختر في تدللهـــا = والذيب جايع وتايه في الخلا الخالي
والبوم غرد يغني في خمايلهــــا = والحر يصلى من همومه بلا صالـي
هذي هي الحال عل الله يعدلهــــا = وتصحى الضماير بعد نوم ولو طالي
شيطان هالوقت نفسي ما تحملهــا = ما دام ترفض تسير بدرب الاوحالي
نفسي عزيزة ولا يقدر يذللهــــا = لو عشت باق العمر في أضيق الحالي
النفس لا برمجت صعب تعدلهـــا = ونفسي على الحق منهاج ومنوالـي
مانيب من يشري الدنيا يفضلــهـا= دنيا بلا دين سجن كله اغلالــــي
احمل جروحي على كفي واحولهـــا = قوات ردع على شيطان عذالــــي
ثابت على مبدئي ربي يكملهــــا= حياة حر رفيع الراس بالعالـــــي

[الأموره]

صح لسانك ملايين

سلمت يالمهاجر

الف شكر لك

دمت برعاية الخالق

[ابراهيم عبدالحميد]

أستاذى الحبيب .د / عثمان العبدالله

يعجز قلمى على ان يوفيك قدرك
من الثناء لعطاءك المتميز الراقى
بأداء و كلمات قمه فى الإبداع و الرقى
سلمت يداك ودمت لنا

[محمد عبدالله البدراني]

ياسلام يادكتور اشهد بالله هذي من عيون الشعر


الف مليون صح السانك



تحياتي

[الطائر المهاجر]

شكرا لأختي الفاضل الأموره
تسلمي ويسلم راسك
تحياتي الطيبة

[ماجد المهدي]

الله الله

صح لسانك يابو عبدالله

قصيدة جزله ومعاني وقافيه جزله وراقيه

لا هنت يالغالي

تحياتي

ماجد المهدي

[عبدالله الشويمان]

صح السانك وعلا شانك يا ابوعبدالله

ولا هنت

[صوت الإحساس]

الله الله ياأبا عبدالله


أشهد بالله أنك نثرت الدر هنا


فمن أراد الثمين لن يبرح هذا الجمال



بيض الله وجهك


واستاذنك في نسخه ليه




صادق الود

[ماجد الزيد]

صح الله لسانك وجاد بنانك يابو عبدالله
نص فاخر يحاكي قضيّة عامة وهم مجتمع
الله ياجرك يابو عبدالله
بس تراك مثل المصوت بالخلا الخالي

[ســُلاف]

الله يعدلها قادر
دنيا بها الحـر مـا يقـوى تحملهـا
مما يشوفـه ولا يـدري وش التالـي
دنيا بها ابليس أبـرق فـي مخايلهـا
وامطر سراب يهـدد كـل الاجيالـي
والناس تركض وتزرع في مجاهلهـا
وكل مع الخيل يا شقـرا بالاعجالـي
لا فكر ، لا حـس ، لا ديـن يعقلهـا
ولا خوف من ربها او نار واهوالـي
مكر وخـداع ونفـاق فـي تعاملهـا
والدين اصبح تجارة بعـض الانذالـي
كفيت ووفيت ابيات حكت واقع مُر
طائرنا المهاجر صح لسانك وريح الله بالك