حار الحليم وكلن اقبل بشوره

[نجم الإبداع]

ياقرننا الخامس عشر وش بقى فيك=طاحت عروش وكل مابك خطوره
تاهت بواخرنا وتاهت مرافيك=حار الحليم وكلن اقبل بشوره
تطاول البنيان حافي مصافيك=والظلم جانا صوت جانا وصوره
ياقرن انا من كثر مابك مجافيك=والعلم من جورك تخرشن قشوره
هذي بك ارهاصات وابصر مطافيك=فيك الملاحم فوق ستين ثوره
تونس ومصر وليبيا من خوافيك=ثارت على الحكام واليوم عوره
جانا حصار الشام والله يكافيك=مابعدها الا حسب الاخبار موره
ياقرن كم حل الثكالى مشافيك=وكل ظالم مانتهى من شروره
يحلا لنفس الظالم انه يغافيك=وانته عيونك مالتهت عن خفوره
فوق الكراسي ملتهي من عوافيك=حوله شياطين البشر في قصوره
يقتل ويتباهى ويصنع تفاليك=واللي قتل بشرّه بالقتل طوره
ياقرن فيك اشوف خضرة مفاليك=واشوف بين الفرس والروم فوره

[محمد بن عمار]

صحححححححححح
كلك ابو منشااااااارولاهان مغليك
مبدع حد الثمالة ياشاعر

[حوريه]

الله يحسن الحال والأوضاع للأحسن والأفضل
صح لسانك يانجم
ودام حرفك ..
وافر التقدير

[الطامي]

فلاح
صح السانك
مجاراة طيبة
لاهنت اخي

[الـزلـزال]

نجم الإبداع

نص مميز وهادف ومتقت
من شاعر متميز ورائع في كل مايقدمه لنا
أبدعت وأمتعت نجمن
دمت ودام لنا حرفك
صح لسانك ملايين ملايين
ولك فائق تحياتي وتقديري

[عبدالعزيز العمار]

صح لسانك يافلااااح

دائماً حضورك جزل ومميز

لاهنت ولاهان فكرك

تحياتي لك

[داعي الشوق]

الله يعين يا بو محمد

و ربك كريم

ابدعت يا نجم في الوصف و اجزلت المعنى

صح لسانك حتى ترضى

ولاهنت

[منيع]

اكثر من رائعة
ربي يرعاكم
تحياتي

[الطائر المهاجر]

كتبت فأبدعت
جزلة من راس جزل وشاعر مبدع
صح لسانك ولا هنت
تحياتي الطيبة

[نجم الإبداع]

المشاركة الأصلية كتبت بواسطة محمد بن عمار

صحححححححححح
كلك ابو منشااااااارولاهان مغليك
مبدع حد الثمالة ياشاعر

صحححححححححححح بدنك يابن عمار

وشكرا لطيب مرورك

لاعدمتك