صياحي رااااعي الحيزاااا قريشي

[ياسر عبدالرحمن الخالدي]

السلام عليكم ورحمة الله وبركاته

حضور شعري اول

أرجو ان تتقبلوه

أنا و خلي على الشدات نقوى=نعافرْهـا معافـرْة الذيـابـه
تخاوينـا تقهوينـا المراجـل=عزاوينـا تنغّـم فالربـابـه
مجالسنا على طمّ الشواهـق=منازلنا على الشعرى نجابـه
الا ياسائلـي عـن مبتـدانـا=فدوك العلم ماهـو بالطلابـه
تصاولنـا هـدادن ذات مـرّة=انـا ويّـاه ماكنـا صحـابـه
قضبت السيف ولجام السبوقة=محاديـري محاديـر الحرابـه
صياحي راعي الحيزا قريشـي=صياحه راعي الظبيـة لُهابـه
قضب شلفاه شلفاتن عجيبـة=وسيفه باليمين اللي غزى بـه
رمى شلفاه تطعن بالسبوقـه=صهيلن ينقطع قـرّب ذهابـه
تعدّت بالفعايل سـم ساعـة !=يمينه بالرمـي جتهـا ذرابـه
وانا ويّاه بالجولـة خصومـن=صليل السيف يشكي من نصابه
تعاورنا وسـط واديـه حينـاً=رميت شْهابي الاضفر شِهابـه
كسرت السيف باليمنى ضراوة=لقيته صابـرن يبغـى يبابـه
يقول اركز حسامك بين رمشي=كذاك اقْتل عـدوّي فالمجابـه
وعزّة ربـي الأعظـم يمينـي=شجاعن هقوتِ انّك لي مشابه
وانا لو ايش ما اذبح لي شبيهـن=يشابهني على العليـا جنابـه
انـا ويّـاك للدفنـه ربوعـن=تفاخر بي وانا افخر بالصحابه
"صهد سموني الفرسـان نـدّه=ولا بارضي طُرحت ونلت عابه
ولكنّي علـى الدنيـا خويّـك=خوي الذيب ذيبـن" ذا جوابـه
وحنا من هذاك اليـوم خـوّة=وربي مالحقنـا مـن ثلابـه
دعائي مدتن فـي ظـل خلّـي=ثبـات بشرعـة الله وكتابـه

وسلامتكم

[عبدالعزيز العمار]

الشاعر ياسر الخالدي :

صح لسانك وجاد بيانك ..

مصافحة شعرية رائعه لاهنت ..

تقبل مروري وتحياتي ...

[همس الورد]

صح لسانك و صح بدنك

و اعتلا شانك

تحية طيبة اخي الفضل

[داعي الشوق]

الله الله

صح لسانك مليووووووون

عزالله انها جزلة

من شاعر جزل

كفوو والله ياراعي الحيزا

يا بن درعان

تحيتي ..

[ابومياس]

الخالد

نص بهي الجمال

راقي الاسلوب

جزل المعاني

صح لسانك وعاش راسك

لاهنت

دمت بخير

[حي الضمير]

صح لسانك وعلا شانك
سلمت يمينك ياسر
قصيده أكثر من رائعه
مبدع لا عدمناك
أجزل التحايا والاحترام يامميز

[محمد عبدالله البدراني]

ياسر الخالدي

سلمه الله


ياهلابك وبمصافحتك الجميله والجزله


قصيده وصفيه حامية الوطيس


وقفت هنا كثيرا :

وانا ويّاه بالجولـة خصومـن
صليل السيف يشكي من نصابه


الله عليك ياخو شما


قصيده بعيدة المدددددى



مليون مليون صح السانك

وعلا شانك


لاعدمناك ياراعي الحيزا


لي عوده اخرى ان شاءالله



تحيتي وتقديري

[عذب القوافي]

أولا ً أهلا ً وسهلا ً بك اخي ياسر في منتديات الفطاحلة ويمرحبا مليون

صح لسانك نص وافي يجبرنا ننتظر نصوصك القادمه

تقديري ,,,,,,

[ترانيم المطر]

صح لسانك واعتلا شانك
ابيات رائعة
ترجمت روعة الاحساس
سلمت وسلم تميزك
وإبداعك

تقبل من التحيه أغلاها ودمت بود

[زهرة اللوتس]

ياسر الخالدي
سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة