مجاويد الشفا ..!

[سلطان العطاوي]

مشاركة يسبقها العذر على الغياب الغير مقصود


,
,
,

آمنت بالله خالق النور واللوح =رزاق طير الجو ضامن حياته
سجدت له خوف وتعالى له النوح = نوح الرجا ما هوب نوح الشماته
دمعة عزيز الروح تطلع من الروح = ودمعة ذليل الروح نبرة شتاته
إذا بكى الخايف من الله مسموح = واذا بكى الخايف من الناس جاته
الذل سكة موت والموت مطروح =في كل لحظة ذهن من عمر ذاته
والا الرجا بالله يبنى به اصروح = وايمان قلب الشخص يضمن زكاته
الآدمي لا صار محرج ومجروح = وريقه تعذر لا يبلل لهاته
ما عاد عنده شي يخفيه للبوح = كل العزاوي حطها فأمنياته
وأنا رجل تغريني الدوح وأدوح = فكري ورى المذن وحزة صلاته
عندي أمل بأن اكثر الهم منزوح = وعندي رجا فالمعتبر وأغنياته
اجلس على عد الضميين واموح = دلوِ مجاويد الشفا في عصاته
وأذا تطرق ذكر مادح وممدوح = طرى علي اللي عهد لي وصاته
وخليتها تمشي على غير مصلوح = ما بين وده للملحن وهاته
آمنت بأن الوضع للنفس مشروح = الآدمي ما يضمن الآ وفاته
ما كل درب فأول الريع مسروح = ولا ينحدي ذيب الحصى عن حصاته

[الطائر المهاجر]

إذا بكى الخايف مـن الله مسمـوح
واذا بكى الخايف من الناس جاتـه
الذل سكة موت والمـوت مطـروح
في كل لحظة ذهن من عمـر ذاتـه
الله .. الله
درة ثمينه ياسلطان
صح لسانك وقلبك
ولاهان راسك
تحياتي

[عبدالعزيز ابراهيم المنصور]

سلطان العطاوي
شاعر جميل
لافض فوك ولاهنت
دمت بخير

[داعي الشوق]

صح لساااااااااااانك مليوون يا سلطان

والحمدلله على السلامه

وينك يا رجل ؟

حضورك دائما مشرق و جميل

صح لسانك مدد

ولاهنت يامبدع

بس لا تعودها

**************

[الـزلـزال]

سلطان العطاوي

نص مميز ومتقن وهادف
من شاعر متميز ورائع في كل حالاته
أبدعت وأمتعت شاعرنا المميز العذب
دمت بخير وأمان ودام لنا حرفك
صح لسانك ملايين ملايين
ولك فائق تحياتي وتقديري

[سلطان العطاوي]

هلا يالطاير

صح كلك ولاهنت

[سلطان العطاوي]

ابو ابراهيم

سلمت يا نقي وصح بدنك

[سلطان العطاوي]

سعود

صح بدنك ولاهنت يا غالي

وسؤالك تشريف قبل لا يكون سؤال

سلمت يالامير وابشر بعزك

[احمد الجريفاني]

نعم لانسمح بغيابك شكرا على اثرائنا بابداعك لك الود يا الغالي

[احمد القاسم]

صح لسانك يالجزل

قصيده جزله

ابدعت

لا هنت