السبيّل والأكلبي

[شجاع عمر الأكلبي]

بسم الله الرحمن الرحيم


هذه قصيدة للأخ الشاعر والصديق سعد بن سبيّل وجدتها في أحد المنتديات

مصارع العشّاق له جاذبيّه=وأهل الهوابه بين خذها وذقها
كم ليلة مرت علينا هنيه=حتى شعاع الشمس معنا سرقها
العشق هلت مزنته عقربيّه=عشّاقةٍ ماغيرنا أحدٍعشقها
وكم ليلةٍ جنت علينا جنيّه=وشجرة رجاوينا تساقط ورقها
وكان الهوا صحيح شدد طميّه=حنا خلقنا الله مثل ماخلقها
لكن وين علومنا الأوليّه=مرت هدو عميا وطرما وصقها
يوم النوايا والسوالف طريّه=عن هالليلي جل شانه فرقها

الشاعر العلم سعد السبيّل








مجاراتي له

ابو سبيّل هاض جرحي عليّه=سبّة هجوسه مع معانيٍ طرقها
وكنت أحسب إن النفس قبله سليّه=ونفسي مع قلبي تزايد وفقها
وقهوة غرامي بين حرقة ونيّه=وأريدها نيّه ولا أبغي حرقها
ودي أقالبها شويّة شويّه=على الجمر حتى يبشش عرقها
وأدقها في نجر يسمع دويّه=وأقنن الما لين يُطعم مرقها
وأزلها في دلةٍ رسلنيّه=وبهارها خلط النشاما رفقها
ويمدها قرمٍ يخصم الدعيّه=اسلوم ربعه والعرب ماخرقها
وأحطها من بين ذيّه وذيّه=وتقنع بهم نفسي ويطفي شفقها

.....................ردود الشاعر سعد السبيّل....................... ......

الأكلبي حيّه من القلب حيّه=شاعر يبروز كلمته لا نطقها
يلحن على الموال والسمسميّه= والى نوى الصيدة درقها درقها
وليا لعب مالعبته لولبيّه=ولا اللزايق من بغاها لزقها
مابيني وبينه حدود محميّه=انا بصفه وألحقه لا لحقها
خلا الهجوس بليلةٍ جرهديّه=دلوٍ ذباذب من على الما سبقها
كانه عطاني فهو راع العطيّه=ومن لابةٍ تقديرها من عمقها
وكانه نصحني حيها منصحيّه=الأرض ملكه وان عزقها عزقها
ولا الهديّه من يرد الهديّه=حيه وحي أبياته اللي طرقها

[نجم الإبداع]

الله الله

صح لسانك ياشاع

صوت وصدى وافيين

والرد الثاني من بن سبيل روعه

شكرا لاتحافنا

لاهنت

تقبل مروري


وتقديري

[زهرة اللوتس]

الشاعر شجاع عمر الاكلبي
صوت وصدى رائعين
سلمت وسلم فكرك
جزلة من شاعر جزل
لاهنت وبيض الله وجهك
لك مني
اطيب تحية

زهرة

[عالي مستواها]

شجا111111ع الأكلبي،،،


صح صح صح لسا11111نكـ



وز11111111111111111111ن حالكـ،،،



وصح لسا1111ن سعد بن سبيل ،،،



مجاراة رائعه ،،،وقمة في الحبك ،،


قصيد جزل من شعا1111ر كبا11ر،،،،


إبدعتوا وما قصرتوا لا عدمنا111كم ،،،،


يعيطكم العافيه ،،،

[سعيد مقبل الأكلبي]

ياسلام على جزل الكلام
صح لسانك يابوعمر
وصح لسان الشاعر سعد السبيل
فرايد الشعر توجد هنا

[رفيعة الشان]

الله الله
شعّار كبار وابيات أقل ما يقال عنها رائعه
ابحرنا معكم في معانيها وتصاويرها
وابدعتووا
فصح الله السنتكم مليوون

ولاااهنت شاعرنا الاكلبي

[محمد عبدالله البدراني]

شجاع الاكلبي

سلمه الله


صح السانك ولسان السبيّل


وعلا شانك


لله دررررررررررك


تحيتي

[الـزلـزال]

وقهوة غرامي بين حرقة ونيّـه=وأريدها نيّه ولا أبغـي حرقهـا
ودي أقالبهـا شويّـة شـويّـه=على الجمر حتى يبشش عرقهـا

شجاع عمر الأكلبي


مجاره رائعه ومتقنه


من شاعر متمكن وجزل


أسعدني قراءة هذة النصوص الشامخه


صح لسانك ولسان بن سبيّل





تقبل فائق تحياتي

[حوريه]

صحت قلوبكم جميع

صوت وصدى ولا أرووووع

دمتم ودااام وجودكم

.

[سناعيس]

صح لسانك ولسان ابن سبيل
على هذه المجاراة
جزلين ولا شك
بيض الله وجهك
ولاهنت


تحياتي