[®][قنيب ذيابة ٍ صوت الرعايد][®]

[ماجد الزيد]

ببالغ الحزن ننعى الفقيد المرحوم بإذن اللهِ تعالى العمّ
مجلوب بن غانم بن مشعان الجبري
والقروم شروى ابو غانم لا تفيهم الكلمات
ولا الدوواين حقّهم
ولكن بعض ما يخالج النّفس من الحزن لفقدنا لهم
نسأل الله له الرّحمة والمغفرة

القصيدة شيلة هنا

قنيب ذيابة ٍ صوت الرعايد=وريح ٍ ماطره تلوي جرايد
وتندب راعبيّة قيس دهراً=فلا كلّت ولا ردّت بعايد
وسرحان النهاشل قام يعوي=على جال ٍ ينادي كلّ رايد
يلف عواه بقبور النشامى= ووقّف عند قبر ٍ فيه قايد
به القرم المسمّى ابن غانم=ابو غانم من كرام العوايد
جلس ذيب الخلا في حد قبره=قنيبه من دهات الحزنِ زايد
على مجلوب يعْونّ الذيابه=ويتزلزل من الأوتاد كايد
تحنّ الراشدة والزّمل ِ يبرك=ورشدان ٍ رغى بالهم نايد
فجيعة عمّت ديار الخوالد=باعزّ بطونهم جبر الشدايد
تزنّ الرّيح بالقرية تعوصف=وتضرب راسها ضرب الحدايد
والارض تميد باهل الأرض سكرى=وتلطم خدّها بين البدايد
نهار الجمعة بتالي محرّم=فقيده لا وربّي بل فقايد
ابن مشعان وهل مثله بكينا=وما شرواه للدنيا بعايد
عسى الفردوس داره حين يمسي=بها يتكي على خضر الوسايد
رغيد العيش صافي ومْتهنّي=ويتحظّن نحيلات الأجايد
تصبّرنا وصبّرنا بفقده=اسود ٍ من ظهر ليث ٍ تزايد
مجالسهم على عزّ بنوها=زحازيح ٍ طحاطيح ٍ أسايد.
الا ما جيت غانم في نهار ٍ=لقيت الطيب كلّه والفوايد
عمر دار ٍ فلا لها من مهدّم=ديار العزّ من شايد لشايد
أشاوس بل أشارس عن أحارس=من الجرفاس فرّاس الفرايد
عناتيت ٍ صناتيت ٍ تبارى =غضافر حين ياطون النّدايد
عزانا شوف دسمين الشوارب=عيال العود تلدين الولايد
عسى بيت ٍ على عزّن أشاده=بهم عامر دهور ٍ غير بايد

[نجم الإبداع]

انا لله وانا اليه راجعون
رحمة الله على عمكم مشعان رحمة واسعه
واسكنه فسيح جناته
احسن الله عزائكم يابو حمد
والهمكم واهله الصبر والسلوان

وصح لسانك على المرثيه الرائده

لاهنت

ولاحول ولاقوة الا بالله

[عايض ابوشيبه]

انا لله وانا اليه راجعون
رحمة الله مشعان رحمة واسعه
واسكنه فسيح جناته
احسن الله عزائكم يابو حمد
والهمكم واهله الصبر والسلوان

مرثيه من شاعر حاكها بأسلوب رائع ومتميز

ولاهي غريبه عليك الجزاله

لاهنت

ولاحول ولاقوة الا بالله

[عبدالله خالد البكر]

مــا جـيـت غـانــم فـــي نـهــار ٍ
لقـيـت الـطـيـب كـلّــه والـفـوايـد
عـمـر دار ٍ فـــلا لـهــا مـــن مـهــدّم
ديــار الـعـزّ مــن شـايـد لـشـايـد


لاهنت وصح لسانك
ورحمه الله مجلوب واسكنه فسيح جناته
تقبل مروري

[حي الضمير]

رحم الله فقيدكم يابوحمد
واحسن الله عزاكم
ومدد صح لساانك
رثاء وافي ومؤثر يانجم

إنا لله وإنا إليه راجعون


رحم الله فقيدكم
وأجبر الله عزاكم ..


وصح لسانك ياماجد
مرثيه وافيه من وافي


لاهنت




إحترامي

[سعيد الصاعدي]

الاخ الفاضل / ماجد حمد الزيد
انا لله وانا اليه راجعون
رحم الله الفقيد والهمكم الصبر والسلوان
.............................. .............................. ...
من اجمل ماقرأت بالرثاء بل الاجمل
لله درك ثم لله درك يالغالي
تحياتي
أخــــوك
س / ص

[بنت القصيد]

الله يرحم الفقيد ويلهمكم الصبر والسلون
ومرثيه من العيار الثقيل
صح لسانك
جزله من راس جزل

بانتظار جزلاتك دوم
تحياتي
اختك القاسميه ....

[الـزلـزال]

ماجد الزيد


مرثيه جزله من شاعر جزل


رحم الله فقيدكم وأسكنه فسيح جناته




صح لسانك ملايين ملايين


ولك تحياتي

[عذب القوافي]

الجزل : ماجد الزيد

انا لله وانا اليه راجعون

رحمة الله مشعان رحمة واسعه

وصح لسانك ورحم الله الفقيد وأسكنه الفردوس الأعلى

تقديري ,,,,,,,,,,,