|*¨®¨*|عميد الحب|*¨®¨*|

[يوسف بن صالح]

لقاء الوداع .. وداع لا يعترف بمن حوله من العيون

هكذا خرجت الى النور .. فتكرموا بقبولها كما هي

ألا يا دار شارع سيدي الخامس وش اللي صار ..=على خلن تركته لك يـداري مرهـف احساسـه
حضنته والغلا دمعـة تسيـل بوجنتينـه نـار ..=نسيت امر الحذر لاعاش حبن خاف مـن ناسـه
وصديت النظر واقفيت والدنيا غدت بـي غـار ..=تقـول بصمتهـا ياهـم بالله روح لـه واســه
وغادرت المكان بروح ذاك الفـارس الجبـار ..=غدر به سيفه الوافي ثم اعلـن عقبـه افلاسـه
ألا يا طولها رحلة علـى الله سافـر الطيـار ..=مضيف الرحلة ينادي يشاور لـي علـى كاسـه
قضيت الليل في الرحلة وانا في داخلي محتـار ..=مثل ذاك الغريق اللي قضى مـن ضيقـة انفاسـه
وصلت الدار والعبرة تصيح تقول ليـه الـدار ..=وحيد الدرب ما يامـن ظلامـن سـاوره ياسـه
دخلت الغرفة اللي في يمين الـدار يـا ستـار ..=وافز لصورةٍ كنها نهـارن ضـاح مـن ماسـه
صباحك ورد يا طله كساهـا الـدر والمحـار ..=وليلن صار لك غفوة على صـدري وهوجاسـه
ألا يا ليلي البارد مسا العلقـم مسـا الصبّـار ..=على همن سكن فيني , سكـن فينـي , بوسواسـه
احبه ثـم احبـه ثـم احبـه مزيـن التكـرار ..=قواعد حبـه افهمهـا ولا ابغـى لاجلـه دراسـه
ألا يامن حسبت انك علم عشق وعلامك نار .. =(عميد الحب) يا شاطر هنـا والـروح حساسـه
تشوف المهرة اللي في السبق ما همها المضمار ..=تغني يا هبوب الريـح فـوزي هـزي اجراسـه
هذا حبي لمحبوبي أغنـي بـه نثـر واشعـار ..=عسى يـا عـل محبوبـي يعديـه القـدر باسـه
احبه ثم احبـه ثـم احبـه والحـروف كثـار ..=اعانق حرف ويّا حـرف لا يـدرون بـه ناسـه
دخيل الله على حظي عنيد وطال بي المشـوار ..=بعيد الدرب (لرباطه) بعيـد الـدرب لا (فاسـه)
هذاك اللي اليمن قال دوري كيف مـا تنـدار ..=اقله من عطا باعطيـه رمـش العيـن وانعاسـه
اباسهر ليلي الساري مدام النـوم منـي طـار ..=وباجعل همي الجاثـي حبـر والـروح كراسـه
لعين اللي إلا سلهم احـس الـدم منـي فـار ..=احس الفجر في جيده واحس الليـل فـي راسـه
مسا ذاك الجديل اللي اذا هب الهـوا بـه ثـار..=تصافق موج بالثانـي وحـرب الريـح محتاسـه
مسا رمـشن اذا شفتـه احـس بوقفـة البتـار..=بلا كحلن بـلا مكيـاج ذاك الزيـن مـن ساسـه
مساء خدن مع لمسه احب اجمع نـدى وازهـار ..=مسا جمرن على اللولو قضى عمـره لـه حراسـه
فداها كل من عنهـا عذلنـي أو عليهـا جـار ..=وقلبن ما عرفه الحـب مدري وشهـو احساسـه

وسلامتكم


محبكم / يوسف بن صالح

[محمد عبدالله البدراني]

العزيز يوسف بن صالح سلمه الله

انا هنا لتسجيل حضوري

وربما لي عوده

سلمت ودمت

[نجم الإبداع]

ارحب يايوسف

صح لسانك

قصيده وافيه من وافي

ابدعت ياشاعر

لاهنت

فائق الاحترام

[مبارك أبوظهير]

ياسلاااااااااااااااااااااااااا اام




يوسف بن صالح




بكل تجرد .. قراتها ولم أمل قراءتها رغم طولها .. مع إني لاأحبذ القصائد الطويله



ألف ألف صح قلبك وفكرك .. أبدعت أيما إبداااااااااااااع



جزله / وافيه / رائعه بكل المقاييس .. لله درك .



والله إني قريت قصيد هذا الصباح ..




شكرا لإمتاعنا ..




إعجابي .. تقديري الجم




مبارك

[محمد الأحمري]

الله الله الله
بيض الله وجهك ياغالي
وصح لسانك مليوون ولايكفوووووون
جمال وجزالة وابداااااااع
لاهنت
ولاحرمنا الله من جديدك
يا قرم

[الطامي]

يوسف بن صالح
صح السانك
قصيدة طيبة رائعه الى ابعد الحدود
الله يعينك على البعد والهوى
لاهنت وشكرا لك

[صنداح الزلامى]

الشاعر /يوسف بن صالح


صح لسانك قصيدة وافيه من شاعر وافي


لك مني جزيل الشكر على مثل هذه النادرة


دمت بخير

[علي محمد العتيبي]

مساء خدن مع لمسه احب اجمع ندى وازهـار ..
مسا جمرن على اللولو قضى عمره لـه حراسـه
فداها كل من عنهـا عذلنـي أو عليهـا جـار ..
وقلبن ما عرفه الحب مـدري وشهـو احساسـه


يوسف بن صالح
ياسلام عليك
ابداع يفوق الوصف
لله درك من شاعر متمكن

صح لسانك ملايين


اعجابي واحترامي

[مبروك بن ماضي]

أخي المبدع / يوسف بن صالح
هنا كان للشعر حضوره وبهاءه
رااائعه من روائعك شاعرنا القدير
قراتها مرات ومرات وسوف
اصفق لك بحراره كلما مرت من هنا
أدامك الله بهذة الشاعريه الفذه
سجل اعجابي وتقبل تحياتي واحترامي ،،

[ابراهيم عبدالحميد]

يوسف بن صالح

أسجل بكل إعجاب و تقدير
تحياتى لما نثرته أناملكم الراقيه
بين سطوركم المتألقه

دمت و سلمت و غنمت