العين خرسااا

[محمد بن عمار]

السلام عليكم
والليل يرخي ستارا ًَ حول مجلسنا ،
ومشاركة اليوم .........!!!

.

العين خرسااا

.

يالله طلبتك يالولي وأنت اللطيف = يارافع ٍسبع ٍ بعالي أطباقها
ترحم عليل ٍ شايل ٍ حزن ٍ كليف = مرالمصايب ، في حياته ذاقها
جرّيت ونّه هزّت ديارالقطيف = وهزّت أراضي الشام وأرض عراقها
منها خفوقي بالحشا يرجف رجيف = ونار ٍ بصدري ضامري ماطاقها
أونّ من جرح ٍ بقلبي له نزيف = والدمع وسط العين زاد إغراقها
أهل النمايم مالهم قصد ٍ عفيف = دايم عروض الناس بين أشداقها
تضحك وبين أنيابها موت ٍ مخيف = مثل الحيايا ، السّم في ترياقها
ناس ٍ تعاديني على شي ٍطفيف = مـااحد ٍ سلم مـن نارهم وإحراقها
وفرقا الشّمل ماسنّه الدين الحنيف = ولاهوب من طبع العرب وأخلاقها
وش مكسب الليّ حال بيني والوليف = راعي الضغاين نافخ ٍأبواقها
خشف المها بالزين مامعها وصيف = ما بالعذاراء أحد ٍجماله فاقها
العين خرسا والخصر مبري نحيف = والنور بالوجنات زاد إشراقها
والشعرمنثور ٍ كما، فلوة شريف = يسبح على الأمتان واصل ساقها
فلوة فلاة ٍ ! توّها ، غر ٍ، عسيف = معفاة ٍ الخدمة ، وكثر،، إرهاقها
دقّت بقلبي خنجر ٍ حدّه رهيف = قطعّ سراجيفي من أقصى أعماقها
حبّي لها مبني على ساس ٍ نظيف = على عهود ٍ ، مبرم ٍ ، ميثاقها
ياعاذلي في حبها عقلك خفيف = روحين داخل جوف صعب فراقها

ومساءكم ورد وجوري

محمد بن عمار

[الطائر المهاجر]

صح لسانك واعتلا شانك
وسلم بنانك وفكرك
تحياتي وتقديري

[سعود بن سنيد]

أهـل النمايـم مالـهـم قـصـد ٍ عفـيـف

دايـم عـروض النـاس بيـن أشداقـهـا

تضحك وبين أنيابهـا مـوت ٍ مخيـف

مثـل الحيـايـا ، الـسّـم فــي ترياقـهـا

نـاس ٍ تعادينـي عـلـى شــي ٍطفـيـف

مااحـد ٍ سلـم مـن نـارهـم وإحراقـهـا

وفرقا الشّمل ماسنّـه الديـن الحنيـف

ولاهوب مـن طبـع العـرب وأخلاقهـا

ارحب


ارحب


يابن عمار


حيه وماجابه


صح لساااااااااااانك



وصح قلبك




وصح شعرك




مبدع وجزل في طرحك لاهنت




هاذي القصيده من اغلا عيون القصيد



تقبل تحاتي

[الوكيل]

رائعة تستحق الإعجاب
صح لسانك وسلم راسك
ولاهنت
تحيتي واحترامي

[داعي الشوق]

جزله الى حد الثمااله

صح لسانك و صحة معانيك يا بو عبدالعزيز

ابداع تعدى حدود الوصف

لاهنت يالجريح

و عساك سالم

[احمد الكثيري]

سلمت وشكرا لك على هذا الابداع والنص الرائع
لك مني كل التقدير

[ساهر الليل]

صح لسانك

نص رائع وجميل

تقبل مروري وودي

[بنت النور]

تسلم على هالقصيـدهـ الرائـع ـه


وصـح لسـانـكـ وعتلى شانك
يعطيك العافيه
تحياتي

[منيع]

مبدع ورائع دائما
شكرا لك ياابن عمار
تحياتي

[مشعل التريباني]

أهـل النمايـم مالـهـم قـصـد ٍ عفـيـف=دايـم عـروض النـاس بـيـن أشداقـهـا
تضحـك وبيـن أنيابهـا مــوت ٍ مخـيـف=مثـل الحيـايـا ، الـسّـم فــي ترياقـهـا
نـاس ٍ تعادينـي علـى شـي ٍطفـيـف=مااحـد ٍ سلـم مـن نـارهـم وإحراقـهـا
وفرقا الشّمل ماسنّه الديـن الحنيـف=ولاهـوب مـن طبـع العـرب وأخلاقـهـا

اخوي الشاعر محمد بن عمار
احسنت احسنت احسنت بيض الله وجهك
قصيده من العيار مافوق الثقيل لله درك يامحمد
فقد ابدعت وامتعت سجل اعجابي اللا محدود