الأماني و الخوف والرجا ؟؟؟؟ مع المري

[الطامي]

بعد مالدنيا تغنج لي على ياليل ياللي = ثم في كسرة عصى تمت تدفعني الضريبه
اعرف ان دنياي هاذي ماتجي لي بالتسلي=ومن على وجه البسيطه ذاق منها ماتجيبه
اسمحو لي باتمنى ياعساها او لعلَي = هي اماني وكل سيلٍ يتحدر من شعيبه
ودي اني دايمً خلف الامام اللي يصلي = ومديٍ كل الفرايض والتهاون ويش ابيبه
ودي ان كل العلوم الطيبه فيني وكلي = وتضرب العربان بي الامثال بافعالي العجيبه
ودي اني كل وقتي بانشراح ومسفهلي = وعندي الخير الكثير ونوب ماجاني مصيبه
والاوامر نظرتي والناس تاتيني بمحلي = وامري مطاعٍ وتنفيذه بطيبٍ لاغصيبه
ودي اغني ولاكن ويش اجيب اويش اخلي =ودي اجمـع كـل زيـنٍ بالقصايـد ثـم اجيـبـه
ودي بقاف الهوى ثم ودي انـي فيـه اعلَـي = بس عمري ماسمح لي كيف اغني ياحبيبه
خايف من هرجة الصاحب وهرجات المغلي = غير قول الناس خربها وهو قد بان شيبه
والخلايق ماتخلي الميتين بكل حلي = كيف بالحيين تاتي بزينهم وايضاً سريبه
ودي وودي وودي ان كل خيرٍ يحصلي = انتبه لي ذي مناوي ماعلى ربي غريبه
استغفر الله ياربي اذا انا قلت زلي = راضيٍ بالًلي قسم لي ربنا علام غيبه
واطلبك يالله تغفر مامضى وايضاَ لمتلي = من ذنوبٍ قبل تحداني بنيرانٍ حطيبه

[نجم الإبداع]

حجز على درجة الافق

صح قلبك

[زهرة اللوتس]

الاخ والشاعر الطامي


الله الله الله

رائع ما خطه قلمك


وجميل ما فاض به احساسك


سعدت كثيرا لكوني


اول الصفوف


تقبل اخي



مني اسمى التحايا

[مبروك بن ماضي]

الاخ الفاضل الشاعر / الطامي

صح الله لسانك وقلبك أخي العزيز

مبدع وممتع كما عهدتك دائماً

دمت بهذا الألق

إحترامي وتقديري

[حي الضمير]

نظمت فابدعت يالطامي
ومدد صح لساااانك شاعرنا الرائع منصور المري
الحقيقة نص جزل ورائع
سجل الاعجاب والتقدير الدائم

[الأموره]

المـري

صح لسـآنك ملآيين

سلمت و سلم فكرك

الف شكر لك

دمت برعاية الخالق

الشاعر الغالي الطامي


صح لسانك والله لايهينك

اسمـحـو لــي باتمـنـى ياعـسـاهـا او لـعـلَـي
هـي امانـي وكـل سيـلٍ يتحـدر مــن شعيـبـه
ودي انـي دايـمً خـلـف الامــام الـلـي يصـلـي
ومديٍ كـل الفرايـض والتهـاون ويـش ابيبـه


لله درك ..........ابدعت

تقبل تحياتي وإعجابي

[الـزلـزال]

الطامي

ودي اغني ولاكن ويش اجيـب اويـش اخلـي=ودي اجمـع كـل زيــنٍ بالقصـايـد ثــم اجيـبـه
ودي بقـاف الهـوى ثـم ودي انـي فيـه اعلَـي=بس عمري ماسمح لي كيـف اغنـي ياحبيبـه
خايف من هرجة الصاحب وهرجـات المغلـي=غير قول الناس خربهـا وهـو قـد بـان شيبـه

بوح راقي من شاعر الرقي عنوانه

شاهدنا في هذا البوح المميز

ألم من الدينا كما شاهدنا أماني جميله وراقيه

يتمنى كل شخص أن يتحلى بها جميعآ

بحت غالينا فابدعت وتميزت

نتمنى لك من القلب

تحقيق كل أحلامك وأمانيك


صح لسانك ملايين ملايين

ولك فائق تحياتي

[طلال سويعد]

الطامي
صح السانك ملايين
وافية حقا من وافي

كل الود

[منيع]

ابيات جميلة
شكرا لك
تحياتي